Neft dünyasında yenilik-gündəlik hasilat kəskin artacaq
Venesuela ilə ABŞ arasında energetika sahəsində əldə olunmuş iri miqyaslı neft sazişi 25 il müddətinə qüvvədə olacaq.
Cia.az xəbər verir ki, bu barədə Venesuelanın müvəqqəti prezidenti Delsi Rodriges dövlət televiziyasında canlı yayımlanan müraciəti zamanı bildirib.
Ölkə rəhbərinin sözlərinə görə, bu 25 illik ikitərəfli layihə çərçivəsində gündəlik 1.5 milyon barel hasilat həcmi ilə 17 strateji neft yatağının işlənilməsi nəzərdə tutulur. Rodriges dəqiqləşdirib ki, günə 1.5 milyon barel göstəricisi yalnız başlangıc mərhələsidir, çünki növbəti mərhələlərdə daha səkkiz neft yatağının da istismara verilməsi planlaşdırılır.
Sazişin iqtisadi səmərəliliyini qiymətləndirən müvəqqəti prezident qeyd edib ki, neftin bir barelinin qiyməti 65 dollar götürülərsə, layihənin icrası Venesuelaya ümumilikdə 209 milyard dollar gəlir gətirəcək və satılan hər bareldən 19 dollar birbaşa Venesuelanın dövlət büdcəsinə daxil olacaq.
Delsi Rodriges vurğulayıb ki, Venesuela öz təbii sərvətləri üzərində suverenliyini və nəzarətini tam saxlayacaq, eyni zamanda ABŞ sanksiyalarından zərər görmüş neft sektorunun modernləşdirilməsi üçün lazım olan kapitalı, müasir texnologiyaları və bilikləri əldə edəcək.
Ənsər-Allah-ın Bab-əl Məndəb boğözında tankerlərə hücumu, ABŞ-ın İranın əsas neft ötürülən Xarq adasını tutmaq planlarına dair məlumatlar, həmçinin Novorossiyskdə Ukrayna hücumları nəticəsində Qazaxıstan neftini dünya bazarına ötürən Xəzər Boru Konsorsiumunun terminallarında fəaliyyətin dayandırılması dünya neft bazarında qiymətlərin daha sürətlə yüksəlməsinə səbəb olub.
Şənbə və bazar günləri ərzində ABŞ-la İran arasında hərbi toqquşmaların kəskinləşməsi, Hörmüzdə gəmilərin hərəkətinə təhdidlərin artması fonunda neft bazarı yeni həftəyə ciddi qiymət artımı ilə başlayıb.
Azərbaycan avtomobil bazarında maşının "tez satılması" (likvidliyi) onun ikinci əl dəyərini nə dərəcədə qorumasından, ehtiyat hissələrinin tapılma tezliyindən, usta sayından və yanacaq sərfiyyatından birbaşa asılıdır. Son dövrlərdə rəsmi tənzimləmələr (məsələn, 10 ildən köhnə avtomobillərin ölkəyə gətirilməsinin məhdudlaşdırılması) və hibrid/elektrik texnologiyalarına maraq bazardakı "ən sürətli satılanlar" siyahısını ciddi şəkildə yeniləyib.
