Yəmənin paytaxtı Sənada hökumətə qarşı çıxan husi üsyançıları son iki ayda ən güclü aviazərbələrə məruz qalıblar. Aviazərbələr nəticəsində azı 80 nəfər ölüb, onlarla insan yaralanıb. Səudiyyə Ərəbistanı qırıcıları paytaxtla yanaşı Hudeydə və Bakil əl-Mir şəhərlərində də əməliyyatlar keçirib, silahlıların mövqelərini bombalayıblar. Hudeydə şəhərində husilərin hərbi limanı dağıdılıb. Həmin ərazidə husilərə dəstək olan İran qüvvələrinin də olduğu iddia edilir.
Beynəlxalq humanitar qurumlar Yəməndə 8.6 milyon insanın təcili tibbi yardıma ehtiyac duyduğunu bildirib. Oksfam təşkilatı Yəmənin humanitar fəlakətin bir addımlığında olduğunu deyib.
Yəməndəki müşanqişələrlə əlaqədar bir qədər əvvəl bu günə İsveçrənin Cenevrə şəhərində sülh danışıqları planlaşdırılsa da, danışıqlar təxirə salınıb. Buna səbəb kimi isə, husilərin silahı tərk edəcəklərinə dair razılığa gəlməməsi olub.
Birləşmiş Millətlər Təşkilatının baş katibi Ban Ki Mun tərəfləri sülhə dəvət edib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.