Almaniyanın Köln şəhərində 1945-ci ildən bəri ilk dəfə sakinlərin genişmiqyaslı təxliyə planı həyata keçirilib. Azı 20 min insan evlərini tərk etmək məcburiyyətində qalıb. Bir qədər əvvəl şəhərdə aparılan qazıntı işləri zamanı İkinci Dünya Müharibəsi dövründən qalma partlayıcının aşkarlanması buna səbəb olub. Rəsmilər çəkisi 1000 kiloqrama yaxın partlayıcının genişmiqyaslı dağıntılar törədə biləcəyi ehtimalını nəzərə alaraq insanlar evlərindən təxliyə ediblər. Bomba zərərsizləşdirildikdən sonra insanlar evlərinə qayıdacaqlar.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.