banner
banner

Gündəm

Araz Ağalarova sərt xəbərdarlıq edildi

Araz Ağalarova sərt xəbərdarlıq edildi

Rusiyada futbol üzrə 2018-ci ildə keçiriləcək qalmaqallı dünya çempionatına (DÇ-2018) hazırlıq üzrə Təşkilat Komitəsi oyunların keçiriləcəi stadionları inşa edən podratçılara xəbərdarlıq edib.
Rusiya mətbuatının yazdığına görə, təşkilat komitəsi xəbərdarlıq edib ki, əgər stadionlar vaxtında tikilib istifadəyə verilməsə, podratçılar iri məbləğdə cərimə ödəməli olacaqlar.

Xəbərdarlığı alanlar arasında azərbaycanlı milyarder Araz Ağalarov da var. Ağalarovun “Crocus Group” şirkəti Kalininqrad və Rostov vilayətlərində iki stadionun tikintisini üzərinə götürüb.

Podratçılara xəbərdarlıq edildiyi barədə məlumatı həm stadion inşasına cəlb edilmiş şirkətlərdəki mənbələr, həm də Rusiya hökumətindəki rəsmi şəxslər təsdiq ediblər. Məlumatda deyilir ki, cərimələr podratçı şirkətlərlə bağlanacaq əlavə müqavilələrdə əksini tapacaq.

Baş nazirin müavini, idman obyektlərinin tikintisini kurasiya edən İqor Şuvalovun aparatında bu məlumatı təsdiq ediblər. Bildirilib ki, cərimə xəbərdarlığı bəzi podratçıların tikintini ləngitməsinə görə edilib.

Məsələ burasındadır ki, oyunlar 12 stadionda keçirilməlidir. Hələlik isə onlardan cəmi 3-ü hazırdır.

Ağalarovun şirkətinin Kalininqradda inşa etməyi planlaşdırdığı stadionda tikinti işləri hələ başlamayıb. Çünki ərazi bataqlıq olduğundan federal orqanların tikintiyə dair ekspertiza rəyi hazır deyil.

“Harada ki tikinti başlamayıb, podratçılar dərhal işə başlayıb sutka boyu dayanmadan işləməlidir. Harada ki tikinti hələ başlamayıb, 3 il ərzində onlar stadionu necə tikib təhvil verəcəklər?”- deyə podratçılardan biri şərh edib.

Ağalarovun nümayəndəsi isə bildirib ki, o, hər iki stadionun tikintisinə görə şəxsən məsuliyyət daşıyır.

“Obyektlər hökmən vaxtında təhvil veriləcək”-deyə mənbə bildirib.

Ağalarovun nümayəndəsi Vladivostokdakı Uzaq Şərq Universiteti kompleksinin tikintisini misal gətirib, “Crocus”un bu obyekti məhdud müddətdə tikib təhvil verdiyiyini xatırladıb.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.