banner
banner

Gündəm

Türkiyə bütün dünyanın diqqətində

Türkiyə bütün dünyanın diqqətində

Türkiyədə keçirilən parlament seçkisi türk və əcnəbi mətbuatın diqqət mərkəzində qalmağa davam edir. Birja və milli valyutaya seçki nəticələri çox pis reaksiya verdi. 
Amma hər şeydən çox Türkiyəni ölkə liderinin susqunluğu narahat edir. Susqunluq kifayət qədər həyəcanlıdır. 
Türkiyədə Ərdoğanı sutkanın istənilən vaxtı görməyə və eşitməyə öyrəşiblər. O, xüsusilə son aylarda, seçkiqabağı kampaniya çərcivəsində fəallaşıb. Mətbuat yazır ki, bu gün prezidentin izləri bir az itib. 

Türkiyə hökumətinin tərkibi - koalisiya haqqında bir neçə variant var. Ərdoğan artıq Davutoğluna bununla məşğul olmaq tapşırığı verib. Hakim partiya özünə tərəfdaş tapmalıdır və yaxın günlərdə bu məsələ ilə bağlı danışıqlar başlayacaq. 

Bunu etmək elə də asan olmayacaq. Məsələn, Dövlət Bahçeli artıq koalisiya hökumətinin formalaşması barədə istənilən təşəbbüsü rədd edir. 

Amma buna baxmayaraq bəziləri hesab edirlər ki, hakim partiyanın tərəfdaşı bu seçkinin əsl sensasiyası hesab edilən kürdlərin partiyası ola bilər. Əgər partiyalar yaxın yarım ayda razılıq əldə edə bilməsələr, Türkiyədə qanuna uyğun olaraq 3 aydan sonra təkrar parlament seçkisi olacaq. 

Ekspertlərin fikrincə, prezident tezliklə ölkədə yaranmış vəziyyətlə bağlı öz fikrini deyəcək. Türkiyədə "sultan" adlandırlan Ərdoğanı dayandırmaq çətindir. O, uğursuzluqlar qarşısında əyiləcək insan deyil. Əlbətdə unutmaq olmaz ki, seçkidə hakim partiya səsçoxluğu qazanıb. AKP hələ də Türkiyədə ən iri və nüfuzlu partiyadır. 

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.