banner
banner

Gündəm

Lənkəranda 2157 nəfər ölüm ağuşunda

Lənkəranda 2157 nəfər ölüm ağuşunda

Hər il iyun ayının 26-sı dünyada narkotikaya və narkobiznesə qarşı mübarizə günü kimi qeyd edilir. Son əsrlərin ən dəhşətli bəlası indi də cənub bölgəsində ən ağrılı sosial problemə çevrilib.
Lənkəranda narkotik istifadəçilərinin sayında müşahidə olunan artım rayon rəhbərliyini və əlaqədar qurumları ciddi hərəkətə keçirib. Rayonda narkomaniyaya yox deyək devizi altında təşkil olunan elmi praktik konfransda səslənən rəsmi rəqəmlər cəmiyyətə həyəcan siqnalı olub.

Qeyd edək ki, Lənkəranda son 5 ildə narkoistifadəçilərin sayı iki dəfə artıb. Onlardan biri, 36 yaşlı Həmzə Məmmədov (şərti ad) deyir ki, bu bəlaya Rusiyada tutulub.

“Bu bəla maşını aldı, evi aldı. Əlimdə heç nə qalmadı”, - deyə Həmzə Məmmədov bildirib.

Həmzə zərərli vərdişdən xilas yolunu ailə qurmaqda görüb. Lakin ailə qurub və iki uşaq atası olsa da, narkotikdən yaxasını qurtara bilməyib. Hazırda Lənkəran rayonlararası Narkoloji Dispanserində müalicə alır. Onun kimi müalicə alanlarınn hamısı yenidən normal həyata qayıtmaq arzusundadır. Xəstəxananın baş həkimi Vüqar Əliyev deyir ki, narkotikə bulaşanların sayı durmadan artır.

“2010-cu ildə Lənkəranda 1235 nəfər narkotikdən istifadə edən qeydiyyatda durub. 2015-ci ilin 6 ayını da əlavə etdikdə bu rəqəm 2157 nəfər olur. Təxminən iki dəfə artım var. 5 il ərzində artımın əsas səbəbləri Lənkəranın tranzit yolun üstündə olmasıdır. Qonşu Asiya ölkələrinə yaxındir, sərhəd zonasında yerləşir”, - deyə Vüqar Əliyev bildirib.

Mütəxəssislər isə bu dəhşətli bəladan çıxış yolunu qabaqlayıcı prafilaktiki tədbirlərin görülməsində, ailə, məktəb, cəmiyyət birliyinin birgə səmərəli fəlaiyyətində görürlər.

Cia.az

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.