banner
banner

İdman

Pankartlar açıldı, gürcü bayrağı yandırıldı- Oyunda gərginlik

Pankartlar açıldı, gürcü bayrağı yandırıldı-

Avropa Liqasının I təsnifat mərhələsinin cavab görüşləri çərçivəsində bu gün keçirilən “Qəbələ” – “Dinamo” (Tiflis) matçı başlayıb. 

“Qəbələ” rəhbərliyi ilk matçda azarkeşlər arasında baş verən insidenti nəzərə alaraq, ehtiyatlı davranıb.

Belə ki, meydanda qapılardan birinin arxasındakı sektor boş saxlanılıb. Ora lent bağlanıldığı üçün, həmin sektora fanatlar buraxılmayıb. Gürcü azarkeşlər həmin sektorun sol tərəfində yerləşdirildiyindən, bu addım görünür, onlarla yaxınlıqdakı yerli azarkeşlər arasında insident baş verməsinin qarşısını almaq üçün atılıb.

Qeyd edək ki, bu komandaların Tiflisdə keçirilən birinci qarşılaşmasında “Dinamo”nun bir qrup azarkeşi “Qəbələ” fanatlarını döyərək, Azərbaycanın və klubun bayrağını tapdalayaraq, təhqir etmişdilər. Onlar stadionda Azərbaycan əleyhinə şüarlar açmışdılar. Bu dəfə də “Dinamo” (Tiflis) fanatları Qəbələ şəhər stadionuna Abxaziyanın Gürcüstanın ərazisi olduğunu göstərən plakat gətiriblər. Azərbaycan Gürcüstanın ərazi bütövlüyünü tanıdığı və bu matç da Azərbaycan ərazisində keçirildiyi üçün plakatın bu meydanda qaldırılmasının hansı anlam daşıdığı da müəmmalıdır.

“Qəbələ” azarkeşləri isə Azərbaycan xəritəsini özündə əks etdirən plakat asıblar. Yerli azarkeşlər həmçinin “Borçalı Azərbaycanındır” pankartını açıblar. Pankartda həmçinin “Sarvan no Marneuli” yazısı olub. Lakin onlar pankartı çox saxlaya bilməyiblər. Polislər müdaxilə edərək, pankartı yığışdırıblar.

Qəbələli azarkeşlər ardınca növbəti pankartlar açıblar. Bu dəfə “Borçalı Azərbaycanındır”, “Sarvan no Marneuli” yazısı ilə yanaşı, “Bostandere No Rustavi”, “Başkeçid no Dmanisi!” və “Choruk Gemerli! No Bolnisi!” pankartları da qaldırılıb. Lakin polislər yenidən müdaxilə edərək, pankartı yığışdırıblar.

Azərkeşlər həmçinin tarixi Azərbaycan torpaqlarının əksini tapdığı xəritəni də açıblar.

İkinci hissənin startından təxminən 10 dəqiqə sonra – görüşün 55-ci dəqiqəsində azarkeşlər Gürcüstan bayrağını yandırıblar.

Cia.az

 


Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.