Rəqqasə Fatimə Fətəliyeva Türkiyənin Mersin şəhərində keçirilən festivaldan qayıdıb.
Axşam.az-a açıqlama verən rəqqasə bildirib ki, o, Azərbaycana mükafatla geri dönüb:
“Nəhayət doğma yurduma, Bakıya qayıtdım. Şükürlər olsun ki, Hindistanda qazandığım uğurlu nəticəni Türkiyədə də qazana bildim. Belə ki, 3 ölkəyə mükafat verildi. İlk mükafat alan Azərbaycan oldu. Daha sonra Rusiya aldı. Həyəcandan 3-cü mükafatın hansı ölkəyə verildiyini yadımda saxlaya bilmədim. Festival ərəfəsində mənimlə birgə Azərbaycandan rəqqaslar da gəlmişdi. Onların çıxışı da maraqla qarşılandı. Daha böyük bir planım var. Amma hələ ki, açıqlamaq istəmirəm. Çünki bunu eşidənlərin bəziləri üzüləcək, bəziləri isə sevinəcək. Hər halda çox ciddi bir qərardır”.
Qeyd edək ki, F.Fətəliyeva bundan əvvəl Hindistanda keçirilən “Udbhav international Dance Carnival” rəqs müsabiqəsində də qalib olub.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
