Boşanma ərəfəsində olan aparıcı Ece Erkenin həyat yoldaşı Sərkan Uçar qaraşın xanımla görüntülənib. Ötən gün sosial şəbəkədə aparıcıya xoş sözlər yazan Sərkan Arnavutköydə başqa bir xanımla nahar edib.
S.Uçar mediada fotosu yayıldıqdan sonra İnstaqram səhifəsində “Yanımdakı xanım yaxın dostumun gələcək həyat yoldaşıdır”, - deyə açıqlama verib. Sərkan daha sonra isə bu açıqlamasını silib.
Xatırladaq ki, Ece ilə qalmaqallı boşanma prosesində olan iş adamı daha sonra onunla barışmış, “Dünyanın ən gözəl həyat yoldaşı! Təmiz qəlbli qadın! Oğlumun anası” kimi sözlərlə aparıcının ünvanına təriflər yağdırmışdı.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
