banner
banner

Gündəm

Türkiyədən qaçan məşhur prokuror - Ermənistana sığındı

Türkiyədən qaçan məşhur prokuror -

Türkiyə Ağır Cinayət Məhkəməsinin “Ərgənəkon” işinin prokuroru Zəkəriya Öz haqqında dünən gecə çıxardığı həbs qərarından sonra eks-prokuror ölkədən qaçmağı bacarıb. 

Dünən Zəkəriyyə Özlə yanaşı, digər prokurorlar Cəlal Kara və Mehmet Yüzgeçin də həbs edilməsi ilə bağlı qərar çıxarılıb. 

Baş Prokurorluğun tələbini dəyərləndirən məhkəmə hər üç prokuroru “cinayət törətmək məqsədi ilə təşkilatlanmaq” və “güc və təzyiqdən istifadə edərək Türkiyə hökumətini devirməyə, vəzifələrini icra etməyə qismən və ya tamamən əngəl olmaq”da ittiham edərək saxlanılmaları üçün haqlarında həbs qərarı verib. 

Qərardan dərhal sonra, yəni 10 dəqiqə ara ilə sabiq prokurorlar Zəkəriyyə Öz və Cəlal Karanın Gürcüstana qaçdıqları məlum olub. Artıq Gürcüstan polisi də məsələ ilə bağlı məlumatlandırılıb. 

Xatırladaq ki, Cəlal Kara və Mehmet Yüzgüç iş adamı Rza Zərrab və nazir uşaqları da aralarında olmaqla bir sıra şəxslər haqda 17 dekabr araşdırmasına başlamışdı. İstintaqın davam etdiyi vaxtda Mehmet Yüzgüç  və Cəlal Kara vəzifələrindən kənarlaşdırılmışdılar. 

Zəkəriyyə Öz isə 2007-ci ildə başladılan məşhur “Ərgənəkon” işinin prokuroru olub. Onun başlatdığı istintaqın gedişində Baş Qərargah rəisi İlker Başbuğ da aralarında olmaqla bir sıra yüksək vəzifəli hərbçilər haqda cinayət işi açılmışdı.Həmiş şəxslər terror təşkilatı qurmaq və idarə etmək, həmçinin, mövcud hökuməti devirmək ittihamı ilə həbs edilmişdilər. Lakin AKP hökuməti həmin ittihamların qondarma olduğunu bildirərək  hərbçilərin azad edilməsi ilə bağlı qərar çıxarmışdı. Əvəzində isə bu işi başladan prokuror Zəkəriyyə Öz haqqında eyni ittihamlarla cinayət işi açılmışdı. 

***

Anadolu Agentliyinin yaydığı məlumata görə, Zəkəriyyə Öz və Cəlal Kara Gürcüstandan Ermənistana keçib.

Cia.az
 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.