Rusiya qırıcıları Suriyada işə düşdü, Homs bombalanır
Rusiyanın Hərbi Hava Qüvvələri Suriyada ilk aviazərbələri endirməyə başlayıb.
Məlumatı bu gün CNN yayıb. Telekanal bunu ABŞ hakimiyyət nümayəndələrinə istinadən bəyan edib.
Telekanala danışan mənbənin sözlərinə görə, ilk aviazərbələr Homs şəhəri yaxınlığındakı obyektlərə endirilib.
Qeyd edək ki, Rusiya Federasiya Şurasının üzvləri bu gün Rusiya qoşunlarından xaricdə istifadə olunmasına yekdilliklə səs veriblər.
Rusiya prezidenti Vladimir Putin bundan əvvəl Federasiya Şurasına müraciət edərək Silahlı Qüvvələrdən ölkə xaricində istifadə etmək üçün icazə istəmişdi.
Toplantıda Rusiya Prezident Administrasiyasının rəhbəri Sergey İvanov, Federasiya Şurasının Müdafiə komitəsinin sədri Viktor Ozerov və Beynəlxalq Komitə sədrinin I müavini Vladimir Cabarov məruzə ilə çıxış ediblər. S.İvanov bildirib ki, bu icazə yalnız Suriyaya aiddir. Özü də söhbət yalnız Rusiya Hərbi Hava Qüvvələrindən gedir. Quru qoşunlarından istifadə istisnadır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.