Gün ərzində son qida qəbulu yatmazdan ən azı 2 saat əvvəl olmalıdır.
Həmçinin şam yeməyi daha azkalorili olmalıdır. Axşam saatlarında insan daha az hərəkət edir, dincəlir ki, bunun nəticəsində qida ilə aldığımız kalorilər sərf edilmir və artıq çəkinin yığılmasına səbəb olur.
Digər tərəfdən yuxu zamanı insan orqanizmində gedən bir çox proseslər, və o cümlədən həzm prosesləri, ləngiməyə başlayır. Nəticədə yatmazdan əvvəl qəbul olunmuş qida normal həzm olunmur, bağırsaqlarda çürüməyə başlayır, nəticədə orqanizmdə toksinlər və şlaklar yığılır, orqanizmdə intoksikasiya (zəhərlənmə) inkişaf edir.
Gecə saatlarında mədə, bağırsaqlar, qara ciyər dincəlir və özünü bərpa edir. Lakin əgər insan yatmazdan əvvəl çoxlu miqdarda qida qəbul edirsə (xüsusilə yağlı, qızardılmış və s. qidaları) onun mədə-bağırsaq sistemi dincələ bilmir, artıq yüklənir. Bu isə öz növbəsində müxtəlif pozulmaların inkişafına təkan verə bilər.
Yatmazdan əvvəl yağlı, qızardılmış, duzlu, şirin qidaları, kolbasa-sosis, qırmızı ət, mayonez əlavə olunmuş salatlar qəbul etmək xüsusilə tövsiyə edilmir.
Əgər aclıq sizi çox narahat edirsə, yatmazdan əvvəl 1 alma və ya portağal, 1 stəkan kefir, bioyoqurt qəbul edə bilərsiniz.
Yatmazdan əvvəl mayenin qəbulunu da məhdudlaşdırmaq lazımdır. Bu xüsusilə çay, qəhvə, digər tərkibində kofein maddəsi olan içkilərə aiddir. Kofein sinir sisteminə qıcıqlandırıcı təsir edir ki, bunun nəticəsində insanın yuxusu pozula bilər.
Bundan əlavə gecə vaxtı mayenin həddən artıq qəbulu böyrəkləri yükləyir. Bu isə gecə və səhər saatlarında arterial təzyiqinin qalxmasına səbəb ola bilər. Nəzərinizə çatdıraq ki, bu çox təhlükəlidir. İnsult və infarkt kimi ağır pozulmaların bir çox hissəsi məhc səhər saatlarında baş verir.
Bu səbəbdən yatmazdan əvvəl 100 qr adi su içmək kifayətdir. Səhər oyandıqdan sonra isə mütləq 1 stəkan su için. Bu orqanizmi oyadır, orqanizmin həzm və digər sistemlərini işə salır.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.