Biləsuvar RPŞ Dövlət Yol Polisinin (DYP) əməkdaşları şəhərin bir neçə mərkəzi küçəsində reyd keçirib.
Yol hərəkətinin təhlükəsizliyini təmin etmək məqsədilə keçirilən reyd zamanı günün birinci yarısında 50-dən çox nəqliyyat vasitəsi saxlanılıb.
Saxlanılanlardan 40 nəfər barəsində inzibati protokol tərtib olunub. Onlardan 6 nəfər avtomobili sürücülük vəsiqəsi olmadan idarə etdiyinə, 2 nəfər ötmə əməliyyatı qaydasını pozduğuna, 12 nəfər nəqliyyat vasitəsini texniki baxışdan keçirmədiyi üçün, 12 nəfər təhlükəsizlik kəmərindən istifadə etmədiyinə görə, 2 nəfər polisin qanuni tələbinə əməl etmədiyinə görə cəzalandırılıb.
3 ay müddətində cəriməsini ödəmədiyi üçün barələrində axtarış verilmiş 5 nəfərin avtomaşını cərimə meydançasına aparılıb. Reydlər günün ikinci yarısı da davam etdirilib.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
