Tanınmış həkimin oğlu dənizdə itkin düşüb – Limandan reportaj
“Günəşli” yatağında baş verən faciə zamanı itkin düşən şəxslərin ailə üzvləri, yaxınları Pirallahı limanına gələrək neftçilərlə bağlı məlumat almağa çalışırlar.
Bu barədə AzVision.az-a hazırda Pirallahı limanında olan əməkdaşımız bildirib.
Müxbirimiz məlumat verib ki, itkin düşən şəxslərin yaxınları dünəndən etirabərən limanda gözləyirlər. Onlara hələki heç bir məlumat verilməyib.
“Hazırda Pirallahıda itkin düşən neftçilərin yaxınları, ailə üzvləri məlumat almağa çalışırlar. Onlara bildirilir ki, hazırda axtarış davam edir, yeni məlumat olan zaman açıqlama veriləcək”.
Əməkdaşımızın bildirdiyinə görə, “Günəşli” yatağında iktin düşən neftçilərin iş yoldaşları da limanda onların yolunu gözləyir.
“Bu, bizim üçün böyük faciədir. Bir neçə gündən sonra biz növbəmizi dəyişib, işə başlayacaqdıq. Tale elə gətirdi ki, onlar faciə ilə üzləşdilər. Yataqda texniki cəhətdən indiyədək heç bir problem olmamışdı. Bura iş yoldaşlarımızdan məlumat almaq üçün gəlmişik. Onların çoxu ailəli idi, evdə uşaqları yollarını gözləyirdi”-deyə neftçilər qeyd ediblər.
Hazırda FHN tərəfindən axtarışların davam etdiyini deyən əməkdaşımızın sözlərinə görə, itkin düşən neftçilərin bir qismi Quba, Xaçmaz bölgəsindədir. Bu rayondan da xeyli insan Pirallahıya gəlib.
“İşçilərin dediyinə görə, SOCAR prezidenti Rövnəq Abdullayev bu gün səhər saatlarından indiyədək hadisə yerindədir. Həmin əraziyə heç kimi buraxmırlar”.
Sakinlərin sözlərinə görə, faciə nəticəsində Xaçmaz-Xudat bölgəsindən olan tanınmış bir həkimin oğlu da itkin düşüb. Həmin şəxsin kimliyi hələlik məlum deyil.
“Sakinlər bildirdilər ki, itkin düşən neftçinin atası məşhur həkimdir, onu Bakıya çağırıblar”-deyə əməkdaşımız qeyd edib.
Faciə baş verən yataqda mühəndis işləyən Cahangir Məmmədov 3-4 gün bundan öncə iş yerinə qayıtmaq istəsə də, hava şəraiti buna imkan verməyib.
“Uzun illərdir həmin yataqda çalışıram. 3-4 gün əvvəl işə qayıtmaq istədim, hava çox küləkli idi. Nə qədər çalışdım, gedə bilmədim. Allah elə bil, məni ölməyə qoymadı. Mən getsəydim ya ölmüşdüm, ya da itkin düşmüşdüm. Amma məni əvəz edən mühəndis itkin düşüb. Bu xəbəri eşidəndən özümüzə gələ bilmirik. Böyük faciədir”.
Limanda toplaşan neftçilər bildiriblər ki, hadisə baş verən gün küləyin istiqaməti Mərkəzi Asiya ölkələrinə doğru olub.
Qeyd edək ki, rəsmi məlumata görə, dekabrın 4-də Xəzərdəki "Günəşli” yatağında baş vermiş qəzada 32 nəfər xilas olulub, 1 nəfər həlak olub, 29 nəfər itkin düşüb.
Hadisə ilə bağlı Dövlət Komissiyası yaradılıb cinayət işi açılıb. Qəzada itkin düşənlərin axtarış-xilasetmə işləri davam etdirilir.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.