Sevastopolda Krım müharibəsində həlak olan türk əsgərlərinin xatirəsinə ucaldılmış memoriala qarşı vandalizm aktı törədilib.
APA-nın məlumatına görə, bu barədə özünün “Facebook” səhifəsində Krımın Azərbaycan icmasının rəhbəri Rəhim Hümbətov yazıb.
O qeyd edib ki, naməlum şəxslər memoriala gedən yolda quraşdırılan məlumat lövhəsində təhqiredici söz yazılıb.
Xatırladaq ki, oxşar hallar Sevastopolda əvvəllər də yer alıb. Konkret olaraq şəhərin alman faşistlərindən azad olunmasında iştirak edən və həlak olan azərbaycanlı əsgərlərin xatirəsinə ucaldılmış abidə 2009-cu ildə qismən dağıdılıb. 2014-cü ildə türk memorialı təhqir olunub, bu ilin may ayında isə azərbaycanlı əsgərlərin xatirə abidəsinə qarşı növbəti vandalizm aktı törədilib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.