Tacikistan parlamentinin aşağı palatası “Sülhün və milli bərabərliyin banisi-Millətin Lideri” adlı qanun layihəsini qəbul edib.
Aşağı palatanın sədri Şukurjon Zuxurov bildirib ki, dövlət başçısı Emamali Rahmonun ölkədə sülhün və sabitliyin bərpa olunması və vətəndaş müharibəsinin dayandırılması sahəsində böyük rolu var.
O qeyd edib ki, ayrı-ayrı ölkələrdə böyük xidməti olan dövlət başçılarına Millətin Lideri, Millətin atası adının verilməsi praktikası var. Belə ki, ABŞ-da Corc Vaşinqtona, Türkiyədə Mustafa Kamal Atatürkə, Hindistanda Mahatma Qandiyə, Qazaxıstanda Nursultan Nazarbayevə belə adlar verilib.
Vurğulanıb ki, 16 maddədən ibarət qanunda Millətin Liderinə toxunulmazlıq hüququ və yüksək təqaüd verilir. Həmçinin həmin şəxs nəqliyyat və yaşayış sahəsi ilə təmin olunur, bütün xərclər dövlət büdcəsindən ödənilir. Qanunda Millətin Liderinin muzeyi, kitabxanası və arxivinin yaradılması da nəzərdə tutulur.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.