Maşın bazarında durğunluq: kreditlə satış təklifləri çoxalıb
Maşın bazarına üz tutanların sayı kəskin azalıb.
Manatın dəyərdən düşməsi Bakının avtomobil bazarında özünü “ikinci əl” maşınların qiymətinin azalmasında da göstərib.
Onların qiymətləri dekabr devalvasiyasından sonra ciddi surətdə düşüb. Bazardakı satıcıların sözlərinə görə, dekabr devalvasiyasından əvvəlki bir neçə ay ərzində avtomobillərin alqı-satqısında bir qədər canlanma hiss olunsa da, hazırda bazarda durğunluq hiss olunur.
“İnsanlarda maşın almağa maraq qalmayıb. Təzə maşınların qiyməti qalxıb, işlənmiş maşınları qiyməti isə aşağı düşüb. Buna baxmayaraq alıçı yoxdur. Bir iki alıçı gəlir ki, onlar da məhz qiyməti aşağı olan “ikinci əl” avtomobillərlə maraqlanırlar", – deyə satıcı Müşviq Abdullayev bildirib.
Misal üçün, Azərbaycanda daha populyar olan Almaniya və Yaponiya istehsalı “ikinci əl” avtomobillər 3 min ABŞ dolları civarında ucuzlaşıb.
Ehtiyat hissələrinin ucuz olması və yanacağı qənaətlə işlətməsi səbəbindən alıcıların Koreya maşınlarına marağı artıb.
Bazarda apardığımız müşahidələr zamanı bir maraqlı məqama da rast gəldik. Əgər əvvəl avtomobillərin kreditlə satışına maraq yox idisə və banklar buna getmirdisə, indi kreditlə satış təklifləri çoxalıb.
Bazardakı durğunluğu bu yolla aradan qaldırmağa çalışan satıcılar 25-30%-lik ilkin ödənişlə kreditləşmə təklif edirlər.
Proqnozlara görə, işlənmiş avtomobillərin qiymətləri düşməkdə davam edəcək. Çünki öz maşınını satmaq istəyən çoxdur, alıcılar isə azalıb.(ANS TV)
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.