Ukraynanın Luqansk vilayətində silahlılar tərəfindən orda yaşayan azərbaycanlılara silahlı hücum olub, onlara məxsus ticarət obyektləri, restoranlar talan edilib.
Luqansk vilayətinin Lisiçansk şəhəri Azərbaycan Cəmiyyətinin sədri Təbriz Rəsulov APA-ya açıqlamasında bildirib ki, ötən həftə yaraqlılar əvvəlcə ona məxsus ticarət obyektinə hücum edərək talan ediblər, işçiləri yaralayıb obyektin bütün əmlakını aparıblar.
Hadisə vaxtı özünün orada olmadığını bildirən T. Rəsulov bildirib ki, hücum zamanı ölən olmayıb, amma ona təqribən 200 min ABŞ dolları həcmində ziyan dəyib: “Bunun ardınca isə Luqanskın Leninski rayonunda azərbaycanlılara məxsus 4 restoran və kafeyə hücum olunaraq dağıdılıb. Orada çalışanlar arasında yaralananlar var”.
Azərbaycanın Ukraynadakı səfirliyinin konsulluq məsələləri üzrə I katibi Asim Osmanov APA-ya açıqlamasında bu faktların səfirlik tərəfindən araşdırılacağını deyib: “Səfirlik vaxtında döyüş gedən bölgədə yaşayan azərbaycanlılara dəfələrlə müraciət edib ki, təhlükəli əraziləri tərk etsinlər. Əksəriyyət biznesini Xarkov və Odessaya köçürsə də, təəssüf ki, hələ də, əsasən Ukrayna vətəndaşı olan müəyyən azərbaycanlı iş adamları oranı tərk etmirlər. Deyirlər ki, biznesi ata bilmirlər. Ona görə də belə hadisələr baş verir. Biz yenə də tək Luqansk yox, bütün şərqdəki bölgələrdən azərbaycanlılarla bağlı bu faktları mütəmadi araşdırırıq. Onlara yenə müraciət edəcəyik ki, münaqişə zonasını tərk etsinlər”.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.