Yaxşı qan dövranı insan sağlamlığında çox böyük rol oynayır. Qan bütün orqan və sistemləri oksigen və qidalı maddələrlə təmin edir.
Qan dövranı pozulduqda orqanizm "aclıqdan" və oksigen çatışmazlığından əziyyət çəkməyə başlayır. Bu isə müxtəlif pozulmaların inkişafına yol açır.
- Ədviyyatlardan tez-tez istifadə edin.
Xüsusilə qara və qırmızı istiot, darçın, sarıkök, zəncəfil və həmçinin soğan, sarımsaq, kəklikotu və s. qan dövranını yaxşılaşdırır, mübadilə proseslərini sürətləndirir, antiseptik, antibakterial, virusəleyhinə, xərçəngəleyhinə təsir edir.
- Liftdən imtina edin, pilləkənlə qalxın.
Bu da çox təsirli vasitədir. Pilləkənlə qalxan insanın bədənində qan dövranı sürətlənir, ürək əzələsi məşq olunur. Həkimlərdə insanın fiziki formasını və ürəyin vəziyyətini yoxlamaq üçün xüsusi sadə test var - əgər siz dayanmadan 4-cü mərtəbəyə pilləkənlə qalxa bilirsinizsə, testin nəticəsi müsbət sayılır. Əks halda ürəyinizin vəziyyətini yoxlayın.
- Çox oturmayın.
İnsan uzun müddət ərzində oturanda onun qan dövranı kəskin pozulur. Oturaq işlə məşğulsunuzsa, tez-tez ayağa qalxın, gəzin, sadə hərəkətlər edin.
- Siqaret çəkməkdən imtina edin.
Bu pis vərdiş damarların güclü sıxılmasına səbəb olur ki, nəticədə qan dövranı pozulur. Bir faktı misal gətirək. Ətraflarda qan dövranının pozulması nəticəsində ağır qanqrenalarla (toxumaların çürüməsi) müşayiət olunan Bürqer xəstəliyi yalnız siqaret çəkən insanlarda inkişaf edir.
- Kontrast duş qəbul edin.
Kontrast duş (soyuq və isti suyun növbələşməsi) qan dövranını yaxşılaşdırır, insanı gümrah edir.
- Qidalanmanızda çoxlu meyvə, tərəvəz, göyərti olmalıdır.
Bu məhsullar orqanizmi vacib maddələrlə təmin edir, qanın tərkibini yaxşılaşdırır.
- Kifayət qədər təmiz su için.
Müasir insanların əksəriyyəti kifayət miqdarda təmiz su içmir. Bu isə xroniki susuzlaşmaya səbəb olur. Susuzlaşma nəticəsində qan qatılaşır. Qatı qan orqanizmdə daha çətinliklə dövr edir.
Soyuqdəymə zamanı bir çox insan burun axıntısından, boğaz ağrısından və digər narahatlıqlardan tez qurtulmaq üçün xalq təbabəti üsullarına müraciət edir. Lakin uşaqlıqdan eşitdiyimiz və illərdir istifadə etdiyimiz bəzi üsullar sağalmağa kömək etmək əvəzinə, vəziyyəti daha da ağırlaşdıra bilər.
Arıqlamaq istəyənlərin, xüsusilə də qarın nahiyəsindəki artıq piylərdən şikayət edənlərin marağına səbəb olan sadə resept mövcuddur. Cəmi 5 inqrediyentdən hazırlanan qatıq qarışımı ara yemək kimi qidalanma rasionuna daxil edilə bilər.
Payızda tez yorulmaq, üşümək və davamlı şirniyyat yemək istəyi bəzən sadəcə gün işığının azalması ilə deyil, sağlamlıq problemləri ilə də bağlı ola bilər.
Beynəlxalq tədqiqat ultra emal olunmuş qidaların qəbulu ilə bağırsaq xərçəngi riski arasında ümumi əlaqə aşkar etməsə də, bəzi qida qruplarının fərqli təsirlərlə əlaqəli olduğunu üzə çıxarıb.
Armud həm dadlı, həm də qida dəyəri yüksək olan meyvələrdən biridir. Tərkibində lif, vitamin və minerallar olduğu üçün sağlamlığa bir sıra faydaları var.
Yatmazdan əvvəl serial izləmək və ya audiokitab dinləmək əvəzinə yağışın, dəniz dalğalarının, meşənin və ya çəmənliyin səslərini dinləmək həm yuxunun keyfiyyətini yaxşılaşdıra, həm də insanın emosional vəziyyətinə müsbət təsir göstərə bilər.
Kardioloq xəbərdarlıq edir ki, həddindən artıq isti və rütubətli hava ürəyin iş yükünü artıraraq infarkt riskini yüksəldə bilər. Xüsusilə yaşlı insanlar, xroniki xəstəliyi olanlar və ürək dərmanları qəbul edən şəxslər yay aylarında daha ehtiyatlı olmalıdırlar.
Britaniyalı ümumi praktika həkimi Əmir Xan əlavə xərc tələb etməyən, lakin fiziki və psixi sağlamlığı yaxşılaşdıra bilən beş səhər vərdişini sadalayıb.