banner
banner

İdman

"Məni hesabdan silməyin erkən olduğunu sübut edəcəm"

"Məni hesabdan silməyin erkən olduğunu sübut edəcəm"
“İnter”in qış fasiləsində heyətinə qatdığı Vüqar Nadirovun apasport.az saytına müsahibəsi
 
- Yanvarın 10-dan Antalyadasız. Təlim-məşq toplanışı necə gedir?
- 10-15 gün ərzində fiziki hazırlıq keçdik. Sona yaxın taktiki planda çalışmalara üstünlük verdik. Hələ vaxtımız var. Bakıda hazırlığın son mərhələsini reallaşdıracağıq. Ümumi götürdükdə, hər şey qaydasındadı.
 
- Mövsümün yarısını oynamadan keçirdiz. Oyun təcrübəsi baxımından çatışmazlıq hiss etdizmi?
- Bu problemi, demək olar ki, aradan qaldırdım. Altı aylıq fasilədən sonra indi-indi oynamağa başlayıram. Çalışıram öz oyunumu tapım və komandama kömək edə bilim.
 
- Formanızı tam bərpa edə bilmisiz?
- Hələ tam yox. 60-70 faiz buna nail olmuşam. Çempionat oyunlarına qədər çalışacam ki, bunu tam yoluna qoyum.
 
- Komandadakı ab-hava necədi?
- Yaxşıdı. “İnter”ə yeni keçsəm də, komandada özümü yad hiss etmirəm. Futbolçuların hamısını tanıyıram. Baş məşqçi də yaxşı insandı. Hamı çalışır ki, bir-birinə kömək eləsin.
 
- “Qəbələ”nin əsas heyətində meydana çıxmamağınız sizə psixoloji baxımdan necə təsir etdi?
- Elə bil ac kimiyəm. Oynamadığım üçün milliyə dəvət edilmədim. Buna görə Robert Prosineçkini də qınamıram. Ona klubunda oynayan futbolçu lazımdı.
 
- Prosineçki oyunlarınızı izləyir. Onunla söhbətiniz olubmu?
- Oyunlarımızı izlədiklərini gördük, amma fərdi qaydada söhbətimiz olmayıb. Futbolçunun işi meydanda verilən tapşırıqları yerinə yetirməkdi. Hazır olsaq, o da dəvət göndərəcək. Millinin qapısı hər kəsin üzünə açıqdı. Amma hazır olmağın vacibdi.
 
- Yoxlama oyunları haqda nə deyə bilərsiz?
- 3-də qələbə qazanmışıq, birini isə heç-heçə etmişik. Hazırlıq dövrüdü, fiziki baxımdan yorğunluq ola bilər. Heyətdə yeni futbolçular var. Baş məşqçi onları sınayır.
 
- Özünüzü sübut etməyi düşünürsüz?
- Bunu sözlə demək istəmirəm. Məni hesabdan silməyin erkən olduğunu oyunumla sübut edəcəm.
Cia.az


Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.