Hollivud ulduzu Leonardo DiKaprio Roma Papası Fransisklə görüşüb. Cia.az xarici mətbuata istinadən xəbər verir ki, Vatikanda olan 41 yaşlı aktyor Papa ilə dünyanın ekoloji problemlərini müzakirə etmək üçün bir araya gəlib. 2015-ci ildə dünyada ekoloji vəziyyətin yaxşılaşdırılması üçün xeyriyyə fondlarından birinə 15 milyon dollar bağışlayan DiKaprio Davos Dünya İqtisadi Forumunda da da xüsusi mükafata layiq görülmüşdü. Qeyd edək ki, Leonardo Papa ilə görüşə tək getməyib. O, atası Corc DiKaprio ilə birlikdə Fransisklə görüşüb. Aktyor Vatikana əliboş getməyib. Belə ki, leo Papaya rəssam İeronim Bosxun albomunu hədiyyə edib.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
