banner
banner

Gündəm

Abid Şərifovun şirkətində tətil başladı

Abid Şərifovun şirkətində tətil başladı

Əsasən körpülər, avtomobil yolları və tunelləri sahəsində ixtisaslaşmış "Evrascon" ASC-nin (Keçmiş "Azərkörpü" ASC-nin) Qazaxısantanda çalışan 100-ə yaxın işçisi beş aydır əmək haqlarını ala bilmir.

Cia.az “Bizim Yol” qəzetinə istinadən xəbər verir ki, onlar problemin həll olunması üçün müxtəlif qurumlara müraciət ediblər. Müraciətlərinin nəticəsiz qaldığını görən işçilər problemi ictimailəşdirməyi qərara alıblar.

“Bildirək ki, "Evrascon" Azərbaycan şirkətidir. Biz Bakıdan Qazaxıstana ezam olunmuş Azərbaycan vətəndaşıyıq. Yəni biz şirkətdə əvvəldən işləmişik, bir müddətdir ki, bizi Qazaxıstana gətiriblər. "Evrascon" 2014-cü ildən Qazaxıstanın Nəqliyyat və Kommunikasiya Nazirliyinin sifarişlərini yerinə yetirir. Hazırda bu ölkənin üç şəhərində körpü tikir. Biz Almatı şəhərində işləyirik. Burada da qalırıq. Qaldığımız yerin şəraiti yaxşıdır".

İşçilərin müraciətində bildirilir ki, onlara 5 aydır əmək haqqı verilmədiyi üçün bir həftədir tətil elan ediblər: "Artıq 20 çox körpünü biz işləmişik. Maaşımız 1000 manatdır, çox deyil. Amma 2015-ci ilin sentyabr ayından maaşımızı vermirlər. Yaranmış problemlə bağlı Qazaxıstanda bizim rəhbərimiz olan Ramiz Tağıyevə şikayət etmişik. Bizi qəbul edib. Amma hər dəfə də yalan vədlər verilib. "Evrascon" şirkətinin Baş nazirin müavini Abid Şərifova məxsus olması heç kimə sirr deyil. Biz yaranmış problemlə bağlı Azərbaycanın Qazaxıstandakı səfirliyində olduq. Bizə buradan dedilər ki, müraciətimizi faksla göndərək. Amma bizim bu imkanımız olmadığı üçün müraciət edə bilmədik.
"Evrascon"un İdarə heyətinin sədri Mənaf Şirinov bizimlə telefonla danışdı. Maaşımızın veriləcəyinə vəd verdi. Amma yenə olmadı. Bu problem təkcə bizdə deyil. Üç şəhərdə işləyən bütün işçilərin problemidir.

İşçilər bildirir ki, onların əmək müqaviləsi və ezamiyyət vərəqəsi var: "Amma bu sənədlər şirkətdədir. Bizim pasportumuz da hazırda "Evrascon"dadır. Məlumat üçün bildirək ki, bu şirkət Azərbaycan və Qazaxıstanla yanaşı Rusiya, Ukraynada fəaliyyət göstərir. Hər yerdə də fəhlələr Azərbaycan vətəndaşlarıdır".

Məsələ ilə bağlı qəztin şirkətə ünvanladığı sorğuya qısa cavab verilib. "İşçilərinin bir hissəsinin əmək haqqı artıq ödənilib. Digər əməkdaşların da əmək haqqı yaxın beş gün ərzində ödəniləcək".

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.