Prezident İlham Əliyevin 20 gün öncə ölkə gəncləri ilə görüşündə çıxışı zamanı AXC-Müsavat iqtidarının yüksək vəzifəli şəxslərini tənqid edərkən səsləndirdiyi “flyuger” ifadəsi artıq hakimiyyət mediasında məqalələrdə bir termin kimi işlədilməkdədir. Məsələn, “Yeni Azərbaycan” qəzeti özünün dünənki sayında AXCP sədri Əli Kərimlinin hədəf seçildiyi böyük həcmli məqaləsində bu ifadədən bir termin kimi istifadə edib.
Xatırladaq ki, prezident Əli Kərimlini tənqidində bu ifadəni dilə gətirmişdi. Qeyd etmişdi ki, AXC-Müsavat iqtidarında dövlət katibi komsomolçu idi, sonradan flyuger kimi əqidəsini dəyişmiş və xalq hərəkatına qoşulmuşdu.
“Yeni Azərbaycan” qəzetinin son sayında dərc olunan “Şər üçbucağı” və bir flyuger" başlıqlı böyük həcmli məqalədə flyuger sözü hətta məqalənin başlığına belə çıxarılıb. Məqalədə AXCP sədri Əli Kərimli kəskin ittihamlara məruz qoyulub. Qeyd edilib ki, onun adı satqınlıqla assosiasiya olunur. Qeyd edilir ki, Əli Kərimli 2000-ci ildə Əbülfəz Elçibəyin vəfatından sonra ümumi müxalifət cəbhəsində qarşıdurmaların, parçalanmaların katalizatoru rolunu oynayıb.
Qəzet Əli Kərimlinin fərqli fikrə və tənqidə dözümsüz olması haqda da yazıb. Qeyd edib ki, siyasi xarakteristikasından qırmızı xətlə keçən əsas məqamlardan biri odur ki, AXCP sədri fərqli fikirlərdən “cin sancaqdan qorxan kimi” qaçır, ən yumşaq tənqidə belə dözmür. Bunun dəqiq təsdiqlərindən biri onun özünün və faktiki olaraq idarə etdiyi “Azadlıq” qəzetinin sosial şəbəkələrdəki səhifələrində əks fikirlərə və real diskussiyaya qoyulan qadağadır: "“Yeni Azərbaycan” qəzetinin ötən saylarından birində dərc olunan “Əli Kərimli: savadsız senzor, yoxsa müştəbeh despot?”
başlıqlı yazıda onun sosial şəbəkə istifadəçilərinə qarşı tətbiq etdiyi senzuranın ifşa olunmasından sonra, Əli Kərimli həyatında bəlkə də ilk dəfə olaraq tənqiddən nəticə çıxarıb qadağanı aradan götürdü. Bundan sonra onun və rəhbərlik etdiyi qəzetin “Facebook” səhifələri fəal gənclərin tənqidi fikirləri ilə dolub-daşdı. Amma bu vəziyyət cəmi üç gün çəkdi. Yenidən fərqli fikirlərə qarşı “bloklama” və “silmə” əməliyyatlarına başlandı".
Məqalədə AXCP sədrinin nəzarətində olan bir sıra facebook fəalları da flyuger adlandırılıb.
Bəs dövlət başçısının səsləndirdiyi və iqtidar mediasının bir termin şəklində istifadə etməyə başladığı “flyuger” ifadəsinin mənası nədir?
Bilməyənlər üçün nəzərə çatdıraq ki, “flyuger” Niderland mənşəli “vleugel” sözündən yaranıb. Mənası “yelqovan”dır. Tarixdə gəmilərdə istifadə olunan bu alət küləyin istiqamətini müəyyənləşdirən cihazdır. Bu cihaz küləyin istiqamətinə doğru fırlanır, yəni külək hara əsirsə, o da həmin istiqamətdə gedir.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.