Əməkdar artist Elza Seyidcahan və meyxanaçı Namiq Qaraçuxurlu bir araya gəlib. Axşam.az-a açıqlama verən E.Seyidcahan birlikdə layihə hazırladıqlarını deyib: “Namiqlə “Səs Azərbaycan” layihəsində birlikdə çalışmışıq. Həmin vaxtdan onun necə yaxşı insan olduğunu gördüm. Uzun fasilədən sonra yenidən görüşdük. Namiqin səmimiliyinə heyranam. Xoşbəxtəm ki, belə gözəl dost tapmışam. Namiqlə yeni layihə fikirləşirik. Çox maraqlı bir iş hazırlayacağıq”.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
