Yaponiyada keçirilən erkən parlament seçkiləri başa çatıb. Səsverməyə əsasən, baş nazir Sindzo Abe və tərəfdarları seçkilərdə qalib gələn tərəf olub.
Abenin rəhbərliyi altında Yaponiyanın liberal-demokratik partiyası və Yeni Komeyto partiyalarından formalaşan blok parlamentin 3-də 2-sinə mandat əldə edib. Blokun 475 yerdən 325-inə sahib olduğu bildirilir.
Seçkilər, eyni zamanda, Sindzo Abenin yürütdüyü iqtisadi və maliyyə siyasətinə etimad referendumu xarakterində keçib.
Bir müddət əvvəl baş nazirin parlamenti buraxmasına səbəb ölkənin iki əyalətində vergilərin 5 faizdən 8 faziə qaldırılmasından sonra həmin əyalətlərdə iqtisadi geriləmənin baş verməsi olmuşdu.
Ölkə əhalisinin əksəriyyəti Abenin maliyyə siyasətinə etibar etmir.
Ekspertlər, Abenin, eyni zamanda, siyasi arenada da səhvlər buraxdığını deyirlər. “Rusiya, Amerika Birləşmiş Ştatları, Cənubi Koreya və Çinlə diplomatik əlaqələr lazımi səviyyədə qurulmayıb” - deyə siyasi ekspert Amaki Naoto qeyd edib.
Yaponiyada növbəti seçki sınağı gələn ilin aprel ayında olacaq.//Anspress
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.