İran dövlətindən oğurluq etməkdə ittiham olunan Azərbaycan əsilli iş adamı Rza Zərrabın şəriki Babək Zəncani edam cəzasından xilas ola bilər.
İranın ədliyyə naziri Mustafa Pur Məhəmmədinin təklifi reallaşacağı təqdirdə milyarder iş adamı Zəncani edam olunmaya bilər. Belə ki, M.P.Məhəmmədinin dediyinə görə, Babək Zəncani İran dövlətindən oğurladığı 2 milyard 800 milyon dollar borcunu ödəsə edamdan qurtula bilər:
“Pulu hesabımızda görən kimi biləcəyik ki, razılığa gəlinib. Amma hələ ki, hesaba heç bir pul köçürülməyib”, – deyə nazir əlavə edib.
Babək Zəncaninin vəkili Rəsul Kuhpeyzadə isə bildirib ki, onlar məhkəmə qərarından apellyasiya şikayəti verəcəklər.
Qeyd edək ki, Türkiyədə yaşayan Azərbaycan əsilli iş adamı Rza Zərrabın şəriki kimi tanınan Babək Zəncani məhkəmənin qərarı ilə martın 6-ı edam cəzasına məhkum edilib. O, İran dövlətindən oğurluq etməkdə, qaçaqmalçılıqda təqsirli bilinib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.