Sosial layihələrdən biri üçün podiuma çıxmağa hazırlaşan aktrisa Qonca Vuslateri dəfilədən öncə fotosessiya etdirib. Dəfilədən gələn gəlir Behçet Uz Uşaq Xəstəxanasına ürək aparatı alınmaq üçün bağışlanacaq. Modelyer Ertan Kayıtkenin kolleksiyasından 60 kiloqramlıq qara libas geyinib. Qonca paltarı haqda “Sosial layihə olduğu üçün 60 kiloqramlıq libas da geyinmək olurmuş. Həm zərif, həm də ağırdır… Hər nə qədər düz dayanmaqda çətinlik çəksəm də, fotosessiya baş tutdu” deyib.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
