banner
banner

Gündəm

Şəhid baş leytenant Rəşid Mehdiyevin medalı anasına təqdim olunub

Şəhid baş leytenant Rəşid Mehdiyevin medalı anasına təqdim olunub

Şəhid baş leytenant Rəşid Mehdiyevin medalı şəhidin anasına verilib.

Cəbhə bölgəsində düşmənlə döyüşdə qəhrəmancasına şəhid olan baş leytenant, 26 yaşlı Mehdiyev Rəşid Rövşən oğlunun təltif edildiyi "İgidliyə görə" medalı anası Məxpurə Mehdiyevaya təqdim edilib.

Salyan rayonu Heydər Əliyev Mərkəzində keçirilən mərasimdə şəhidin valideynləri, Müdafiə Nazirliyinin nümayəndələri, şəhidin xidmət etdiyi hərbi hissənin komandir və əsgər heyəti, rayon rəsmiləri və ictimaiyyəti iştirak edib.

Mərasimdə çıxış edən polkovnik Abdulla Qurbani şəhid Rəşid Mehdiyevin döyüş yolundan danışıb. O, ötən ay Azərbaycan Ordusunun cəbhədə əldə etdiyi uğurlardan danışaraq şəhidlərin qanının yerdə qalmayacağını, işğal altında olan torpaqların tezliklə azad ediləcəyini bildirib.

Digər çıxış edənlər zabit R. Mehdiyevin igidliyindən söz açaraq, onun xatirəsinin daim əziz tutulacağını deyiblər. Şəhid zabitin valideynlərinə minnətdarlıq ifadə olunub.

Sonda şəhidin anası çıxış edərək oğlu ilə fəxr etdiyini deyib, nitqini “Vətən sağ olsun!” cümləsi ilə bitirib.

Xatırladaq ki, 26 yaşlı zabit Tərtərdə yerləşən təmas xəttində düşmənin təxribat-diversiya cəhdinin qarşısını alarkən şəhid olub.

O, aprelin 5-də doğulduğu Salyan rayonu Xalac kəndində torpağa tapşırılıb.

 



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.