banner
banner

Gündəm

Qarabağda hərbi-siyasi qarşıdurma

Qarabağda hərbi-siyasi qarşıdurma

Qondarma “DQR müdafiə naziri”, general Levon Mnatsakanyan onun yerinə keçmək üçün Qarabağa qayıdan keçmiş “müdafiə naziri”, general Samvel Babayanı “diversant” adlandırıb.

Virtualaz.org erməni qaynaqlarına istinadən xəbər verir ki, general Mnatsakanyan Samvel Babayanın hərəkətlərinin “suverenliyə, müdafiə qabiliyyətinə və cəmiyyətə qarşı diversiya” olduğunu deyib.

Xəbər verildiyi kimi general Samvel Babayan aprel döyüşlərindən bir müddət sonra Rusiyadan Ermənistana qayıdıb. Hakimiyyətin hərbi siyasətini tənqid edib və ötən bazar günü Qarabağa dönərək tərəfdarlarını Xankəndi küçələrinə çıxarıb. Babayanın tərəfdarları onun yenidən “müdafiə naziri” təyin olunmasını tələb edirlər.

General “Samo” Xankəndinə qayıdan kimi qondarma “DQR” rəhbərliyinin hərbi siyasətini də tənqid edib, bildirib ki, əgər hakimiyyət ordunun təchizatı ilə bağlı məsələləri həll edə bilmirsə getməlidir. Babayan “xalqı” indiki Qarabağ hakimiyyətini dəyişməyə çağırıb. “Samo”nun Qarabağda “müdafiə naziri” olmaq üçün fəaliyyətə başlamasından dərhal sonra onun tərəfdarını, “deputat” Ayk Xanumyanı Xankəndində hərbi geyimlilər oğurlayıb və şil-küt edib. Xanumyan Babayanın “müdafiə naziri” olması üçün aksiyalar təşkil etməyə hazırlaşırdı.

 

Lakin belə görünür ki, Babayanın Qarabağda hərbi hakimiyyəti ələ almaq cəhdləri ciddi müqavimətlə qarşılanacaq. General Mnatsakanyan onun çıxışına cavab olaraq deyib ki, əgər Babayan qohumlarına baş çəkmək üçün Qarabağa qayıtsaydı buna normal yanaşardı. “Ancaq bazar günü baş verənlər və onun bəyanatları mənə aydın deyil. Mənim üçün aydın və məqbul olardı ki, Babayan konsolidasiyaya çağırsın. Onun hərəkətləri əsl diversiyadır, cəmiyyət buna qiymət verməlidir”-Levon Mnatsakanyan deyib.

“Jamanax” qəzeti isə yazır ki, Samvel Babayan Rusiyadan qayıtmağa hazırlaşanda Ermənistan prezidenti Serj Sərkisyanın və qondarma “DQR prezidenti” Bako Saakyanın onu qəbul edib fikirlərinə qulaq asacaqlarına ümid edirmiş. Lakin qayıdandan sonra onu qəbul edən olmayıb, üstəlik Xankəndində baş verənlər göstərir ki, Babayana qarşı repressiyalar da mümkündür.

Ancaq nəzərə almaq lazımdır ki, Samvel Babayanın həm radikal mövqeli keçmiş səhra komandirləri, həm Qarabağdakı erməni qüvvələrinin sıralarında xidmət edən komandirlər arasında tərəfdarları var. Ona görə də “Samo” Qarabağda hakimiyyəti silah yoluyla ələ keçirməyə də cəhd göstərə bilər.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.