Məşhur müğənni İrem Derici TV8 kanalının suallarını cavablandırıb.
Axşam.az TV8-ə istinadən xəbər verir ki, 29 yaşlı müğənni insanlara münasibəti haqqında danışaraq hər kəs qarşısında ağlamağı sevmədiyini deyib:
“Amma evdə tək qalanda ağlayaram. Özümü yumruqlayaram, silləliyərəm. Hamının öz dərdi var. Mən də öz dərdimlə başqalarını bezdirməməliyəm”.
Gənc müğənni geridə qalan illərdə bəzi səhv qərarları haqqında isə belə danışıb:
“Ağlım yoxdur mənim (gülümsəyir). Qəlbim idarə edir məni. Amma bundan heç vaxt narahat olmamışam”.
Səlami Şahinin oğlu Lider Şahinlə sevgi münasibətləri haqqında da danışan 29 yaşlı müğənni, onunla çox dəyərli anlar keçirdiyini deyib:
“Keyfim yerindədir. Bu münasibət haqqında ortalıqda çox da danışmaq istəmirəm”.
İrem Derici evlilik haqqında suala isə birbaşa cavab verməsə də, söylədiklərindən hələlik evliliyin planda olmadığı anlaşılıb:
“Mən münasibəti standartlara salmaq istəmirəm. Çünki biz hazırda standartdan kənar münasibət yaşayırıq”.
Qeyd edək ki, bir neçə il öncə Acun Ilıcalının “O Səs Türkiyə” yarışmasında iştirakçı olan İrem, hazırda Acunun TV8 kanalında yayımlanan “Rising Star Türkiye” müsabiqəsində münsiflərdən biridir.
İ.Derici daha öncə radioda çalışan Rıza Esendemirlə evli olub. 14 iyul 2014-cü ildə evlənən cütlük bu ilin martında boşanıblar.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.