Hindistanın şərqində yerləşən Bihar ştatında baş verən daşqınlar nəticəsində ölənlərin sayı 156 nəfərə çatıb, təqribən 1 milyon 400 nəfər yerli sakin əmlakını və evini itirib.
Cia.az saytı "Report"a istinadən xəbər verir ki, bu barədə ölkənin Təbii Fəlakətlərin Nəticələrinin Aradan Qaldırılması üzrə Milli İdarəsi məlumat yayıb.
Məlumata görə, "təkcə ötən gün ərzində 3 vətəndaşın öldüyü qeydə alınıb, son iki həftə ərzində daşqın qurbanlarının sayı ən azı 156 nəfərə çatıb".
Ümumilikdə təbii fəlakətdən Bihar ştatının 12 dairəsinin 2024 kəndində təqribən 1,4 milyon nəfər zərər çəkib. Güclü sel 8 mln. hektar kənd təsərrüfatı sahəsini su altında qoyub, yolları yuyub aparıb, onlarla körpü ciddi şəkildə zədələnib və ya dağılıb.
Xilasedicilər qayıqlarda təhlükəli yerlərdə qalan 556 min nəfəri təxliyə ediblər, onların 303 mini 598 müvəqqəti yaşama düşərgəsinə yerləşdirilib, digərləri qohum və dostlarının evində özlərinə sığınacaq tapıblar.
Daşqınlar ştat ərazisindən keçən altı böyük çayda, o cümlədən Qanqda musson yağışları səbəbindən suyun səviyyəsinin artması nəticəsində yaranıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.