banner
banner

Dünya

Əbu-Dabidə "Uber"in 50 əməkdaşı saxlanılıb

Əbu-Dabidə "Uber"in 50 əməkdaşı saxlanılıb
Sərnişindaşıma xidməti təklif edən "Uber" şirkəti BƏƏ-nin paytaxtı Əbu-Dabidə öz fəaliyyətini dayandırıb.
 
"Report" BBC-yə istinadən xəbər verir ki, ötən bazar ölkədə servisin 50 sürücüsü səbəbsiz yerə saxlanılıb ki, bu da anlaşılmazlıq yaradıb.
 
"Bu müvəqqəti dayandırılmadır, yeni məlumat əldə olunan kimi, biz xəbər verəcəyik", — deyə BBC şirkətin bəyanatını təqdim edib.
 
Qeyd olunur ki, xidmət işini təkcə Əbu-Dabidə dayandırıb, Dubayda fəaliyyət əvvəlki qaydada davam etdirilir.
 
Şirkət Birləşmiş Ərəb Əmirliklərində 2013-cü ildən fəaliyyət göstərir.
 
"Uber" müştərilərə öz saytı, həmçinin "iPhone"larda və "Android" sistemi ilə işləyən qurğularda xüsusi yaradılmış eyniadlı proqram vasitəsilə şəxsi taksi sifariş etmək imkanı verən avtomobil daşımaları xidmətidir. Xidmət proqram təminatından istifadə edərək yaxınlıqda olan sürücünü müştərinin olduğu yerə istiqamətləndirir. Ödəniş bank hesabı vasitəsi ilə həyata keçirilir və gəlirin 80 faizi taksi sürücüsünə qalır.
 
"Uber" şirkəti 2009-cu ildə ABŞ-ın San-Fransisko şəhərində yaradılıb. Onun xidmətləri dünyanın 100-dən çox ölkəsinin şəhərlərində, o cümlədən Bakıda istifadə olunur.
Cia.az


Daha tez məlumatlanmaq üçün Facebook səhifəmizi




Oxşar xəbərlər

Türkiyə bunu da etdi - Dünyada ilk dəfə baş verir, görənlər ŞOKDA

Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.

Bu ölkə İsraillə hərbi əməkdaşlığı gücləndirəcək

Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.