FETÖ istintaqı çərçivəsində saxlanılan müğənni və köşə yazarı Atilla Taş haqqında həbs qərarı çıxarılıb.
Axşam.az Türkiyə mətbuatına istinadən xəbər verir ki, müğənni Türkiyədə 15 iyulda hərbi çevrilişə cəhd edən qruplaşmaya üzv və onlara dəstək olmaq iddiası ilə saxlanılıb.
Bu gün İstanbul Cümhuriyyət Məhkəməsində Atilla Taşın da aralarında olduğu 12 jurnalist dindirilib. Məhkəmə onlardan Atilla Taş, Gökçe Fırat Çulhaoğlu, Dinçer Gökçe, İskender Yunus Tiryaki, Levent Arap, Murat Aksoy, Mutlu Çölgeçen və Ayhan Şimşekin həbs edilməsinə qərar verib.
Rasih Yılmaz, Abdullah Alparslan Akkuş, Ömer Şahin və Nurullah Öztürk isə sərbəst buraxılıb.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.
