ANS televiziyası və ANS ÇM radiosunun bağlanmasından artıq 2 aya yaxın vaxt keçir. Müddət uzandıqca kanalın efirə qayıtmasına inam daha da azalır. ANS bağlandıqdan bu vaxta qədər baş verən məhkəmə prosesləri də bunu deməyə əsas verir...
Bununla yanaşı, şirkət artıq təyin olunan cərimələri də ödəməyə başlayıb. Özü də bu iş məcburi şəkildə həyata keçirilir. Belə ki, Milli Televiziya və Radio Şurası (MTRŞ) tərəfindən ANS ÇM radiosuna təyin olunan 161 000 manat cərimənin 77 266 manatı məcburi qaydada ANS ÇM şirkətinin bank hesabından tutulub. APA-nın xəbərinə görə, şirkətin bank hesabında lazımi qədər pul qalmadığından cərimənin qalan hissəsinin tutulması məcburi icraya yönəldiləcək.
Xatırladaq ki, MTRŞ-nin 18 iyulda keçirilmiş iclasında “Televiziya və radio yayımı haqqında” Azərbaycan Respublikası Qanununun 23.2.8-ci maddəsinin tələbinə uyğun olaraq, “ANS ÇM Yayım və Media” Şirkətinə 25 oktyabr 2013-cü il tarixdə verilmiş TR 100 saylı xüsusi razılığın (lisenziyanın) qüvvəsinə xitam verilməsi barədə qərar qəbul edilib. Yayım zamanı bir neçə dəfə qanunvericiliyin tələblərinin pozulması halları əsas götürülərək, ANS ÇM radiosunun xüsusi razılığı (lisenziya) ləğv olunub.
Bu məsələ ilə bağlı ANS-in MTRŞ-yə qarşı iddiası isə sentyabrın 9-da 1 saylı Bakı İnzibati-İqtisad Məhkəməsində keçirilən prosesdə təmin olunmadı.
Lakin media şirkətinin əməkdaşlarının ümidləri hələ tam itməyib. Belə ki, 15 sentyabr saat 12:00-da ANS Müstəqil Yayım və Media Şirkətinin lisenziyasının ləğvi barədə Bakı Apelyasiya Məhkəməsinin qərarından Ali Məhkəməyə verdiyi kasasiya şikayəti üzrə məhkəmə prosesi keçiriləcək.
Hər məhkəmə prosesindən sonra mediaya açıqlama verən ANS-in rəhbərliyi bildirir ki, onlar Ali Baş Komandana inanırlar və nəticənin yaxşı olacağına ümid edirlər.
“Yeni Müsavat”a danışan ANS şirkətlər qrupunun prezidentinin media müşaviri Mayis Məmmədov bildirib ki, hələ də ümidlərini itirməyiblər:
“Yeni heç bir xəbər yoxdur. Sabah (bu gün-red.) məhkəmədir. İşçilər də hələ ki gözləyirlər. Allah Vahid müəllimin köməyi olsun. Maaşlarını da kəsməyib. Öz cibindən ödəyir hamısını. Ümid edirik ki, sonda hər şey yaxşı olacaq”.
Qeyd edək ki, MTRŞ Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə, Azərbaycan Respublikası Baş Prokurorluğunun 18 iyul 2016-cı il tarixli müraciətini, “Televiziya və radio yayımı haqqında” Azərbaycan Respublikası Qanununun 11, 23, 32-ci maddələrinin tələblərini rəhbər tutaraq, “ANS Müstəqil Yayım və Media” şirkətinin yayımının 18 iyul 2016-cı il tarixdən saat 18:30-dan etibarən 1 ay müddətinə dayandırılması barədə qərar qəbul edib.
Eyni zamanda MTRŞ 25 oktyabr 2013-cü il tarixli TR 099 saylı xüsusi razılığın (lisenziyanın) qüvvəsinə xitam verilməsi barədə məhkəmədə iddia qaldırıb. Bakı Apelyasiya Məhkəməsində isə ANS-in lisenziyasına xitam verilməsi ilə bağlı qərar qəbul olunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.
Milli Kibertəhlükəsizlik Agentliyi (MKA) tərəfindən son günlərdə Dövlət Yol Polisinin adından vətəndaşlara qarşı həyata keçirilən fişinq hücumlarının artdığı müşahidə olunur.