Bakıda bəzi binalar istiliksiz qala bilər: borc qalmaqalı
"Azəristiliktəchizat" ilə "Azəriqaz" arasındakı borc qalmaqalı bu il də aktualdır.
Bu qalmaqal ucbatından ölkə ərazisindəki 538 qazanxana və 92 istilik məntəqəsi payız-qış mövsümünə texniki baxımdan hazır olsa da, bir çox abonent bu qış istilik almaya bilər. Buna səbəb "Azəristiliktəchizat" ASC-nin "Azəriqaz" İstehsalat Birliyinə olan borcudur. "Azəriqaz"dan verilən açıqlamalarda bildirilir ki, borcu olan qazanxanalara qaz verilməyəcək.
Xezerxeber.com bildirir ki, "Azəristiliktəchizat" borc ilə bağlı deyilənləri etiraf edir. Ancaq bu məbləğin birbaşa abonentlərin borcu olduğunu bildirir.
Elə bu səbəbdən də "Azəristiliktəchizat"ın əməkdaşları borclu abonentlərdən xidmət haqqının yığılması üçün səfərbər olublar. Borclar ödənilərsə bu ayın 15-dən hamı istiliklə təmin oluna bilər.
Xatırladaq ki, 2015-2016-cı ilin payız-qış mövsümündə "Azəriqaz"la "Azəristiliktəchizat" arasında yaranan borc probleminə görə, paytaxtdakı mənzillərin istiliklə təchizatı təxminən 1 aya yaxın gecikmişdi.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.