“Özəl sektorda həmkarlar ittifaqlarına ehtiyac var”
Həmkarlar İttifaqları ölkədə işçinin hüquqlarını müdafiə edən bir qurum olaraq bilinir. Həmkarlar İttifaqının olduğu qurumlarda işçilərin əmək normalarına və digər qaydalara riayət olunur. Amma özəl müəssisələrdə Həmkarlar İttifaqına çox az rast gəlinir. Həmkarlar İttifaqının fəaliyyətini daha da genişləndirmək üçün alternativ yaradıla bilərmi?
Məsələ ilə bağlı Modern.az-a danışan Əmək Hüquqlarını Müdafiə Liqasının rəhbəri Sahib Məmmədovun sözlərinə görə, hansı idarə, qurumda Həmkarlar İttifaqları varsa orada əməyin mühafizəsi ilə bağlı vəziyyət həmkarlar ittifaqları olmayan qurumlardan dəfələrlə yaxşıdır.
“ İstehsalatda baş verən hadisələr, əmək xəstəliklərinə daha çox həmkarlar ittifaqının olmadığı qurumlarda rast gəlinir. Mən demirəm ki, həmkarlar ittifaqı əla vəziyyətdədir. Harada ki, mövcuddur o qurumda minimum işçilərin hüquqları təmin olunur, əmək müqavilələri var, əmək müqavilələri elektron sistemdə qeydiyyatdan keçib, bəzən işçilər yardım da ala bilirlər. Həmkarlar ittifaqının özəl sektorda yaranmasına nail olmaq lazımdır. Həmkarlar ittifaqı özəl sektoru çox az əhatə edə bilib. Kütləvi İnformasiya Vasitələrində həmkarlar ittifaqı yaradılıb, rəhbəri də Müşfiq Ələsgərlidir. Amma çox az sayda qəzet, sayt və digər KİV var ki, həmkarlar ittifaqı yaradıb, demək olar yoxdu. İşə götürənlər həmkarlar ittifaqından çəkinir. İndiki problem Həmkarlar İttifaqının genişlənməsidir. Həmkarlar ittifaqı genişlənərsə bütün işçilərin hüquqları müəyyən dərəcədə təmin olunar. Amma işsizliyin yüksək olduğu bir dövrdə həmkarlar ittifaqı çox da fəal ola bilməz”.
Sahib Məmmədov bildirib ki, Həmkarlar ittifaqına alternativ yaratmağa gəldikdə isə, gərək əvvəl həmkarlar ittifaqı olsun ki, sonra ona alternativ haqqında düşünülsün.
“ Özəl sektorun əksəriyyətində həmkarlar ittifaqı yoxdur. Ona görə də ənənəvi həmkarlar ittifaqını yaratmaq lazımdır. Harada ki, həmkarlar ittifaqı var orada işçiyə münasibət fərqlidir”.
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev 2027-ci ilin dövlət büdcəsindən bəhs edərkən çox vacib məqamlara toxunub.
Dövlət büdcəsinin yükünün azaldılması və maliyyə intizamının gücləndirilməsi məqsədilə bəzi dövlət müəssisələrinin ləğvi və ya özəlləşdirilməsi məsələsinə baxılması təklif olunur.
Rəqəmsal İnkişaf və Nəqliyyat Nazirliyi yanında Dövlət Dəniz və Liman Agentliyinin Gəmi Hərəkətinin İdarəedilməsi Mərkəzi küləkli, fırtınalı hava şəraiti ilə bağlı gəmilərə xəbərdarlıq edib.
Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.
Azərbaycan Respublikası Dövlət Gömrük Komitəsinin "Azərterminalkompleks" Birliyi nəqliyyat parkının yenilənməsi məqsədilə yeni satınalma müsabiqəsi elan edib.
IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.
Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.
Müdafiə Nazirliyində yüksək vəzifələrdə işləmiş general-mayor Natiq Əliyevin saxlanılan qızı Türkər Əliyevadan şikayətçi olanlardan birinin kimliyi məlum olub.