Misirdə “Ərəb baharı” inqılabının 4-cü il dönümü qanlı toqquşmalarla yadda qalıb. Paytaxt Qahirədə hökumətə qarşı çıxan yüzlərlə insan etiraz aksiyası keçirməyə çalışarkən təhlükəsizlik qüvvələrinin müdaxiləsi ilə qarşılaşıblar. Fəallar polisə daş və kəsici maddələrlə hücum ediblər. Polis isə, gözyaşardıcı qazla aksiyanı dağıtmağa çalışıb. Qarşıdurmalar zamanı azı 16 nəfər ölüb, zorakılıq törədən 20-ə yaxın insan həbs olunub.
Polis “Ərəb baharı” inqılabı zamanı xalq üsyanlarının rəmzinə çevrilən Təhrir meydanına girişləri bağlayıb.
Oxşar hadisələr, eyni zamanda, ölkənin ikinci ən böyük şəhəri İsgəndəriyyədə də qeydə alınıb. Aksiya iştirakçıları tramvayı yandırıblar. Hadisə nəticəsində bir neçə nəfər ölüb.
Zorakılıqlar zamanı digər bir məntəqədə törədilən partlayış nəticəsində isə, iki polis əməkdaşı yaralanıb.
2011-ci il, yanvar ayının 25-ində baş qaldıran etiraz aksiyaları sonda prezident Hüsnü Mübarəkin hakimiyyətdən devrilməsi ilə nəticələnmişdi.
Hökumət 2013-cü ildə icazəsiz etiraz aksiyası keçirilməsini qadağan edən qanun layihəsinə əsasən, zorakılıqlarla qarşı səbr etməyəcəyini və qəti tədbirlər görəcəyini bildirib.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.