Türkiyənin Sakarya vilayətindən Suriyaya gedərək İŞİD sıralarına qoşulan Əbu Talha E. ABŞ rəhbərliyindəki koalisiya qüvvələrinə məxsus qırıcıların həyata keçirdiyi bombardıman zamanı ölüb. ANS PRESS-in “Milliyet” qəzetinə istinadən verdiyi məlumata görə, 24 yaşlı Əbu Talhanın ölümü ailəsinə Suriyadan vurulan telefonla xəbər verilib.
Ailəsinin tələbi ilə “Karaosman” məscidində Talha E. Üçün qiyabi cənazə namazı da qılınıb. Cənazə namazından əvvəl isə məhəllə sakinlərinin mobil telefonuna, “Əli Ehsan E-nin oğlu Əbu Talha E. ölmüşdür. Cənazəsi olmamasına baxmayaraq bu gün zöhr namaqzından sonra “Karaosman” məscidində cənazə namazı qılınacaqdır” – yazılmış SMS göndərilib.
Əbu Talha E.nin ölüm xəbəri sosial şəbəkə saytı facebookda da paylaşılıb.
Yerli mənbələr bildirir ki, ali məktəb tələbəsi olan Əbu Talha E. 1 il əvvəl İŞİD sıralarına qoşulub. Bu barədə onun ailəsi lazımi dövlət qurumlarına xəbər verib. Son bir neçə ayda isə ondan xəbər alınmayıb.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.