banner
banner

İdman

"AZAL-ı şoka salmaq istəyirdik"

"AZAL-ı şoka salmaq istəyirdik"

“AZAL-a qarşı matça hazırlığımız digər oyunlardakı kimi olub. Artıq bütün komandalar sürətli futbol oynayır və müdafiədə kompakt şəkildə çıxış edə bilirlər. Komandamız da topa daha çox sahib olub meydanda diqtə edən tərəf olmaq istəyir. Rəqib qapısında təzyiq yarada bilirik. Baş məşqçimizin də istəyi budur".

Qol.az-ın məlumatına görə, bu sözləri "Qəbələ"nin məşqçisi Sənan Qurbanov Topaz Premyer Liqanın 17-ci turunda AZAL-la oyundan (2:0) sonra deyib.

37 yaşlı mütəxəssis hər matçda, o cümlədən AZAL-la görüşdə də erkən qol vurmağa çalışdıqlarını bildirib: "Alınmayanda isə bəzən oyunçularda psixoloji gərginlik yaranır. Buna baxmayaraq, çox vacib 3 xal qazandıq. AZAL-ın “Qarabağ”la oyununu təhlil etmişdik. Bakı klubu həmin qarşılaşmada həm müdafiə, həm də sürət baxımından çox inamlı təsir bağışlamışdı. Bugünkü görüşdə də buna şahid olduq. AZAL 10 nəfərlə qaldıqdan sonra onları sıxıb, şoka salmaq istəyirdik. Amma bu bizdə alınmadı. Futbolda belə şeylər olur. Əsas odur ki, meydandan 3 xalla ayrıldıq”.

S. Qurbanov ayrı-ayrı futbolçuların oyununa da toxunub: “İstəyirik ki, hücumçu rəqibin cərimə meydanında hərəkət edən divar olsun. Daniel Subotiç hava ötürmələri zamanı başla yaxşı oynayır. Onun bu keyfiyyətlərindən maksimum istifadə etməyə çalışırıq. Ruslan Qurbanov çox potensiallı futbolçudur. Bu keyfiyyətlərinə inanıb, onu komandaya götürmüşük. Onun oyundan-oyuna daha yüksək səviyyədə çıxış edəcəyinə inanırıq. Bizim özünəməxsus oyun üslubumuz var. Futbolçuları da məhz bu sistemə uyğun gətiririk. Onun da biz istəyən futbolu göstərəcəyinə inanırıq. Təəssüf ki, Vitali Vernidub da zədələndi. Zədəsinin ciddi olduğu ehtimal edilir. Rasim Ramaldanov isə qış təlim-məşq toplanışında iştirak etməyib”.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.