banner
banner

İdman

BŞH: Formula 1 yarışına xaricdən böyük maraq var

BŞH: Formula 1 yarışına xaricdən böyük maraq var

Azərbaycanda Formula 1 yarışının təşkilatçısı Bakı Şəhər Halqası (BŞH) Əməliyyat Şirkəti bu il 23-25 iyun tarixlərində paytaxtda baş tutacaq Azərbaycan Qran Prisi ilə əlaqədar hazırlıq işlərini intensiv şəkildə davam etdirir.

Bakı Şəhər Halqasından Trend-ə verilən məlumata görə, hazırda polad şəbəkələrlə trekin ətrafında ikinci qoruyucu hasarın quraşdırılması işləri aparılır. Tikinti-quraşdırma işləri görülərkən şəhər sakinlərinin fasiləsiz hərəkətinin təmin olunmasına və ətrafda yerləşən biznes-iaşə obyektlərinin işgüzar fəaliyyətinə maneçiliyin törədilməməsinə xüsusi diqqət göstərilir.

Bakı Şəhər Halqası Əməliyyat Şirkəti şəhər sakinlərindən, o cümlədən trek ətrafı ərazilərdə fəaliyyət göstərən sahibkarlardan müvəqqəti narahatlığa görə üzr istəyir və onları səbrli davranaraq yarışa hazırlıqla bağlı görülən işləri anlayışla qarşılamağa dəvət edir.

Əməliyyat şirkəti bildirir ki, ötən illə müqayisədə bu il Azərbaycanda keçiriləcək növbəti Formula 1 yarışına xaricdən daha çox maraq var və yarış ərəfəsində Bakıya minlərlə turistin gələcəyi gözlənilir. Biz təşkilatçı olaraq Azərbaycan Qran Prisini izləməyə gələcək Formula 1 azarkeşlərini böyük qonaqpərvərliklə qarşılamağa hazırlaşırıq. Ümid edirik ki, xaricdən gələn minlərlə turist başda trekə yaxın iaşə obyektləri olmaqla bütövlükdə ölkə iqtisadiyyatının bir çox sahəsinə birbaşa öz töhfəsini verəcək.

Bakı Şəhər Halqası Əməliyyat Şirkəti möhtəşəm yarışın ərsəyə gəlməsində göstərdiyi anlayış və dəstəyə görə şəhər sakinlərinə dərin minnətdarlığını bildirir. İnanırıq ki, bu il də Formula 1 çempionatının ən maraqlı və ən yaddaqalan yarışına ev sahibliyi edəcəyik.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.