banner
banner

İdman

"Bursaspor"un hərəkəti etik deyil" - Elxan Məmmədov

"Bursaspor"un hərəkəti etik deyil" -

AFFA-nın baş katibi Elxan Məmmədov Azərbaycan millisinin baş məşqçisi Robert Prosineçkinin Türkiyənin "Bursaspor" komandasının sükanı arxasına keçəcəyinə dair xəbərlərə münasibət bildirib.

Qol.az-ın “Report” agentliyinə istinadən yaydığı xəbərə görə, E.Məmmədov indiyədək xorvatiyalı mütəxəssislə bağlı heç bir təklif almadıqlarını bildirib: "Prosineçkinin AFFA ilə ilin sonunadək müqaviləsi var. Onun özü də dünənki mətbuat konfransında bunu bir daha vurğuladı. İndiyədək "Bursaspor" rəhbərliyi və baş məşqçinin meneceri səviyyəsində bizə Prosineçki ilə bağlı heç bir müraciət olmayıb. Robertin özü ilə hər gün AFFA-da görüşürük, ofislərimiz ayrı deyil. Onun özü də bizə bu haqda bir söz deməyib".

Baş katib Prosineçki ilə danışıqlar apardıqlarını və böyük ölçüdə anlaşma əldə etdiklərini deyən "Bursaspor" rəhbərliyinin davranışına da reaksiya verib: "Biz də bu fikirləri mətbuatdan oxuyuruq. Əgər həqiqətən də AFFA-ya müraciət etmədən Prosineçki ilə danışıqlar aparıblarsa, "Bursaspor" rəsmilərinin bu addımı etikaya uyğun deyil. Belə hərəkəti düzgün saymıram".

"Bəs "Bursaspor" Prosineçkidən ötrü AFFA-ya müraciət edərsə, baş məşqçini buraxmağa razı olarsınızmı" sualını isə E.Məmmədov belə cavablandırıb: "Bunun üçün AFFA İcraiyyə Komitəsi və prezidenti var. Belə məsələlər onlar səviyyəsində müzakirə olunur".
 
Qeyd edək ki, Azərbaycan milli komandası 2018-ci il dünya çempionatının seçmə mərhələsində C qrupunun ilk 6 turundan sonra 7 xalla 4-cü pillədə qərarlaşıb. Qalan 4 oyunda yığmanı sentyabrın 1-də Norveçlə, oktyabrın 8-də Almaniya ilə səfər, sentyabrın 4-də San Marino, oktyabrın 5-də Çexiya ilə ev oyunları gözləyir.

Cia.az



Daha tez məlumatlanmaq üçün Facebook səhifəmizi




Oxşar xəbərlər

Messinin imzalı forması oğurlandı

Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.

Keyn Messinin rekordunu qırdı

“Bavariya”nın hücumçusu Harri Keyn UEFA Çempionlar Liqasında 30 yaşdan sonra vurulan qolların sayına görə yeni rekord müəyyənləşdirib.

Ronaldodan gözlənilməz qərar

"Əl-Nəsr"in ulduz hücumçusu Kriştiano Ronaldo gələn il Portuqaliya milli komandasına qayıtmağa və yığma forması ilə "son rəqs"ini etməyə hazırlaşır.

Messi ilə bağlı pis XƏBƏR

ABŞ təmsilçisi "İnter Mayami"nin ulduz futbolçusu Lionel Messi MLS çempionatı çərçivəsində keçirilən oyunda zədələnib.