"Heç-heçə də bizi qane edəcək" - "Şerif"in baş məşqçisi
Moldovanın Şerif” klubunun baş məşqçisi Roberto Bordin Çempionlar Liqasının III təsnifat mərhələsində “Qarabağ"la ilk oyun öncəsi Bakıda mətbuat konfransı keçirib. Qol.az-ın məlumatına görə, italiyalı mütəxəssis əvvəlcə matç barədə fikirlərini bildirib.
- Bizi çətin oyun gözləyir. “Qarabağ”ın güclü rəqib olduğunu bilirik. Bununla belə, düşünürəm ki, maraqlı matç olacaq
- “Qarabağ”ı cütün favoriti saymaq olar?
- İlk oyunu evdə oynamağı “Qarabağ”ın üstünlüyüdür. Bakıda heç-heçə oynamaq də bizi qane edəcək.
- Rəqibiniz barədə nə deyə bilərsiniz?
- "Qarabağ" çox güclü komandadır. Topla oynamağı yaxşı bacarırlar. Oyunçuları fərdi şəkildə qeyd etmək istəməzdim.
- Rəqibə sürpriziniz var?
- Sürprizlər deyilmir. Bunu sabah görəcəyik (gülür).
- Bura gələn komandalar əsasən, havanın isti olmasından şikayətlənir. Siz necə, burdakı havadan razısınız?
- Tiraspolda da isti havada oynayırıq. Belə olsa, hər iki komanda üçün çətinlik yarada bilər. Bildiyimiz qədər sabah hava küləkli olmalıdır.
- Ölkə çempionatının sonuncu turunda heç-heçə etməyiniz bu matça mənfi təsir edəcək?
- Son dəqiqələrdə qol buraxdıq. Lakin bu “Qarabağ”la oyuna təsir göstərməyəcək
Fransada sosial-iqtisadi problemlər və təhsil sistemindəki çatışmazlıqlara görə başlayan kütləvi etiraz aksiyaları fonunda vandallar ticarət obyektlərini və lüks mağazaları qarət etməyə davam edirlər.