Rumıniyanın qabaqcıl xəbər agentliklərindən olan “Mediafax”ın direktoru Adrian Sırbu həbs edilib.
ANS PRESS-in məlumatına görə, çirkli pulların yuyulmasında və vergidən yayınmaqda günahlandırılan direktora 30 günlük həbs cəzası verilib.
Rumıniya Antikorrupsiya İdarəsinin məlumatına əsasən, A.Sırbu saxta şirkətlər şəbəkəsi yaradaraq dövlətə 3 milyon avro zərər verib.
Direktor isə ona qarşı ünvanlanan iddiaların “gülünc və sifarişli” olduğunu deyib və jurnalistlərə söz verib ki, həbsinin əsl səbəblərini vaxtı gəldikdə açıqlayacaq.
Yerli KİV Sırbunun həbsi ilə bağlı artıq öz versiyalarını yazırlar. Yazılanlara görə, onun rəhbərlik etdiyi "Mediafax" agentliyi baş nazir Viktor Pontu tənqid etdiyi üçün təzyiqlərə məruz qalır.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.