Hökməlidə vəziyyət gərginləşir: Yağışlar başlasa, sürüşmə aktivləşəcək
Abşeronun Hökməli qəsəbəsindəki Bozdağ Hökməli vulkanının çöküntülərinin üzərində salınmış yaşayış məntəqəsi artıq sürüşməyə meyilli ərazi sayılır.
Bunu Trend-ə Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov deyib.
Onun sözlərinə görə, Bozdağ Hökməli vulkanının çöküntülərinin üzərində tikilmiş evlərdə çoxsaylı deformasiya və çatlar əmələ gəlib: “Artıq vulkanın ətrafında yamac boyu tikilən çoxsaylı evlərdə çatlar var. Onlar aktiv fazadadır, yəni proses başa çatmayıb. Əgər yağışlar başlasa, bu proses daha da aktivləşəcək, sürüşmə prosesi aktiv olacaq”.
Ə.Qaralov bildirib ki, çatların baş verməsinə həmin evlərin vulkan materaillarının üzərində tikilməsindən əlavə, yamacın şaquli kəsilməsi, yamacın təbii quruluşuna insanın müdaxiləsi və s. təsir göstərib: “Yamacda ev tikiləndə onu kəsmək olmaz. Əgər həmin ərazi sürüşməyə meyillidirsə, bu, onu bir az da fəallaşdırır. Burada da yamac demək olar ki, hər yerdən doğranıb. Qeyd edilən səbəblərlə yanaşı, kanalizasiya sularının axması, atmosfer çöküntüləri də sürüşməni təbii olaraq, fəallaşdırır".
Qeyd edək ki, evlərdə yaranan bəzi çatların eni 50 sm-ə çatıb.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.
Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.
