Nigeriyada Boko Haram qruplaşmasının törətdiyi zorakılıqlarla əlaqədar hər gün yüzlərlə insan qonşu ölkələrə axın edir.
ANS PRESS-in məlumatına görə, son dövrlərdə bu qruplaşmaya qarşı yerli və xarici təzyiqlər artıb. Bununla belə, qruplaşma üzvləri də zorakılıqların sayını dayanmadan artırırlar.
Nigeriya ordusu son 6 ildə Boko Harama qarşı öz təsirini tamamilə itirib. Bu isə, ölkədə xaotik idarəetmə formasının yaranmasına səbəb olub. Hökumət silahlılara qarşı mübarizədə daha ciddi addımlar atacağına vəd versə də, təkbaşına bu işin öhdəsindən gələ biləcəyi real görülmür. Bu məqsədlə qonşu Niger, Benin, Kamerun və Çad Boko Harama qarşı mübarizədə Nigeriyaya 8700 nəfərlik hərbi heyət göndərmək qərarına gəlib.
Məlumata görə, təkcə yanvar ayında 153 mindən çox insan adıçəkilən ölkələrə sığınıb.
Boko Haram tərəfindən törədilən zorakılıqlar 6 həftə sonra keçirilməsi nəzərdə tutulan prezident seçkilərinə mane olur.
2009-cu ildən bəri qruplaşma üzvləri 13 mindən çox insan öldürüblər.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.