banner
banner

Sosİal

Kərə yağından imtina edək? – Xeyri və ziyanı

Kərə yağından imtina edək?

Keyfiyyətli inək südündən hazırlanmış kərə yağı insan orqanizmi üçün çox faydalıdır.

Axar.az xəbər verir ki, bu sözləri pediatr Vaqif Qarayev bahalaşdığı üçün kərə yağından imtina barədə yazılanlara münasibət bildirərkən qeyd edib. O bildirib ki, kərə yağının qiymətinin artması insanlarda bu məhsulun istehlakı barədə tərəddüd yaradıb:

"Kərə yağının tərkibindəki vitaminlər (A,E,D,B qrup) saçın, dişlərin, sümük sisteminin, dərinin inkişafında xüsusi rol oynayır. Beyin hüceyrələrinə və mədə-bağırsaq sisteminə müsbət təsir edir. Qadınlarda reproduktiv funksiyanı normallaşdırır. Uşaqlarda cinsi hormonların yetişməsi üçün faydalıdır”.

Pediatr vurğulayıb ki, amma xolesterini artırdığına görə ürək və beyin damarlarına mənfi təsiri haqqında mübahisələr bu gün də səngimir:

“Sadəcə, bu təsirlərdən qorunmaq üçün kərə yağından rasional istifadə etmək lazımdır. Gündə 15-30 qr. Biz isə kərə yağından bu qayda ilə istifadə etmirik. Bütün günü yağlı yeməklər yeyib axşam saat 11-də üstündən aş da istəyirik. Bütün günü kərə yağında hazırlanan qızardılmış və çətin həzm olunan yeməklərdən istifadə etmək zərərlidir”.

Pediatr satışda olan müxtəlif qiymətlərlə satılan kərə yağlarının olmasına da diqqət çəkib:

“Ucuz qiymətə təklif edilənlər birmənalı olaraq keyfiyyətsizdir. Onların tərkibində orqanizmə ziyan verən müxtəlif qatqılar var. İnsanlar bu tipli kərə yağlarından istifadə etməsələr yaxşı olar. Kərə yağından istifadə edək, amma aşırı miqdarda yox”.

 


Daha tez məlumatlanmaq üçün Facebook səhifəmizi




Oxşar xəbərlər

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.

Qaz limiti ilə bağlı ŞAD XƏBƏR - Sərfiyyat minimuma enəcək

Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.

Bu şəxslər sənəd ala bilməyəcək - RƏSMİ

Vətəndaşlıq vəziyyəti aktlarının qeydiyyatı ilə bağlı təkrar şəhadətnamə və arayışların verilməsi zamanı bir sıra məhdudiyyətlər tətbiq olunur. Bəzi hallarda müraciət edən şəxslərə sənədin təkrar nüsxəsi deyil, yalnız müvafiq arayış təqdim edilir.