Qətər böhranı ilə bağlı yeni detallar ortaya çıxıb. Cia.az Axar.az-a istinadən xəbər verir ki, bu ilin 5 iyununda Körfəz böhranı sadəcə mühasirə ilə məhdudlaşmayıb. Səudiyyə Ərəbistanı və Birləşmiş Ərəb Əmirlikləri (BƏƏ) Qətər əmirini devirib, yerinə Londondakı qardaşı oğlunu gətirmək niyyətində olublar. Belə ki, Qətər Dövlətinin Əmiri Əlahəzrət şeyx Şeyx Təmim bin Həmad əl-Saninin sarayını mühafizə altına alan Türkiyə qoşunları hücumun qarşısını alıblar.
Misir, Səudiyyə Ərəbistanı və BƏƏ də daxil olmaqla, bəzi ərəb ölkələri 5 iyunda Orta Şərqdə terrorizmə dəstək verməkdə" Qətəri ittiham edərək əlaqələrini kəsdiklərini açıqlayıblar. Bu isə Körfəz bölgəsində son illərdə görülən ən böyük diplomatik böhrana yol açmışdı. Ancaq Körfəz böhranının sanksiya ilə məhdud olmadığı, Səudiyyə Ərəbistanı və BƏƏ-nin Qətər əmirini devirib yerinə Londondakı qardaş oğlunu gətirmək istədikləri ortaya çıxıb. Qətər Dövlətinin Əmiri Əlahəzrət şeyx Şeyx Təmim bin Həmad əl-Saninin sarayını mühafizə altına alan Türkiyə qoşunları hücumun qarşısını alıblar.
Bu barədə danışan "Yeni Şəfəq" qəzetinin yazarı Məhməd Acət Türkiyənin Qətərə qarşı təşkil edilən dövlət çevrilişinə cəhdin qarşısını almaqda mühüm rol oynadığını diqqətə çatdırıb: "Bu, o qədər əhəmiyyətli bir roldur ki, o gün həmin kritik müdaxilə olmasaydı, hər şey başqa cür olacaqdı, yəqin ki, bölgənin tarixi də başqa cür yazılmış olardı. Adamlar (Səudiyyə Ərəbistanı) Amerikaya qayıdıb dedilər. Səninlə 350 milyard dollarlıq müqavilə bağladım. Sən də mənə dəstək ol, bu Qətər əmirini dəyişdirək. Məsələ bundan ibarətdir. Ancaq Ərdoğan buna icazə vermədiyi üçün iş uzandı".
Bildirilir ki, Qətərdə böhran daha da dərinləşəcəyi halda, Türkiyənin hərbi təyyarələri də Dohaya göndəriləcəkdi.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.