ABŞ digər ölkələrlə iqtisadi müharibələrə girməkdən qorxmur. Lakin belə savaşda iştirak etmək niyyətində deyil.
Axar.az xəbər verir ki, bu sözləri ABŞ Maliyyə naziri Stiven Mnuçin deyib.
“Tramp iqtisadi müharibədən qorxmur, ancaq bu, bizim istədiyimiz hədəf deyil. Gəlin, tam açıq danışaq: biz iqtisadi savaşlarda iştirakçı olmaq istəmirik”, - nazir bildirib.
Qeyd edək ki, Avropa Birliyinin ABŞ-ın polad və alüminium idxalına qadağa qoyması qarşılığında sanksiya tətbiqi barədə açıqlamasına Tramp sərt reaksiya vermişdi. ABŞ lideri Avropa istehsalı maşınlara vergi tətbiq edilə biləcəyini xatırladaraq, ölkəsinin iqtisadi müharibələri rahatlıqla qazandığını bildirmişdi: “İqtisadi müharibə hərdən yaxşı şeydir”.
Türkiyənin müdafiə şirkəti "Aselsan"ın təsis edilməsinin 51-ci ildönümü münasibətilə keçirilən sınaq zamanı yüksək güclü elektromaqnit şüalanmasından (HPEM) istifadə edən "Ejderha" anti-dron müdafiə sistemi saniyələr ərzində 51 dronu zərərsizləşdirib. Bu barədə "Anadolu" agentliyi məlumat yayıb.
Sinqapur kibertəhlükəsizlik şirkəti CloudSEK-in araşdırmasına görə, Qazaxıstanla əlaqəli olduğu güman edilən bir qrup haker Tacikistanın milli təhlükəsizliyi ilə bağlı 2000-dən çox sənədi oğurlamaq üçün süni intellektdən (Sİ) istifadə edib.
Mərakeş və İsrail ikitərəfli hərbi əməkdaşlığı, o cümlədən avadanlıqların tədarükü və texnologiya mübadiləsi, məxfi məlumatların qorunması, kibertəhlükəsizlik və hərbi təlim kimi sahələrdə gücləndirməyə çalışırlar.
Türkiyənin İzmir vilayətində yerləşən HABAŞ Dəmir-Polad Zavodunda güclü partlayış baş verib. Hadisə nəticəsində ölənlərin sayı 6 nəfərə yüksəlib, 13 nəfər yaralanıb.