banner
banner

Gündəm

Bu həftə əfv fərmanı imzalanacaq

Bu həftə əfv fərmanı imzalanacaq

Azərbaycan Xalq Cümhuriyyətinin 100 illiyi münasibətilə bu günlərdə prezident İlham Əliyevin əfv fərmanı imzalayacağı gözlənilir. Artıq əksər hüquq müdafiəçiləri, Əfv Komissiyasının üzvləri də əfv fərmanının olacağını bildiriblər.

Fərmanın bu gün və ya sabah imzalanması ehtimal edilir.

Hüquq müdafiəçisi Novella Cəfəroğlu “Yeni Müsavat”a açıqlamasında bildirdi ki, xeyli sayda məhkumun azad olunacağını gözləyir. Gözlənilir ki, onların sırasında siyasi məhbus siyahısında adları olanlar da yer alacaq: “Biz siyahılar təqdim etmişik. Eyni zamanda 30-40 nəfər qanunsuz tutulan şəxsin də bizə müraciəti olub və biz onların siyahısını vermişik. Həmin şəxslər siyasi məhbus deyillər. Biz ”islamçı məhbuslar" kimi mediada təqdim edilən məhkumların da siyahısını vermişik və xahiş etmişik ki, bu şəxslər də buraxılsın. Onları biz siyasi məhbus siyahısında yazmamışıq. Sadəcə, ayrıca siyahı ilə adlarını göndərmişik. Ümid edirik ki, onlar da əfv ediləcək.

Novella Cəfəroğlu ile ilgili görsel sonucu

Bir neçə ömürlük həbs cəzasına məhkum olunan 20 ildən artıqdır cəza çəkən məhkumların da adını siyahıya daxil edib əfv olunmalarını xahiş etmişik. Bu sırada 23 ildir həbsdə olan keçmiş OMON-çuların da adı var. Ümid edirik ki, onların məsələsinə baxılacaq və müsbət qərar veriləcək. Gözləyirik ki, bu dəfə xeyli sayda məhbus əfv ediləcək".

Hüquq müdafiəçisi vurğuladı ki, o məhbuslar hansısa Avropa Şurasının və ya başqa bir beynəlxalq qurumun istəyinə görə deyil, sırf Azərbaycanın maraqlarına, ölkəmizdə vətəndaş həmrəyliyinə və əsasən də Azərbaycan Xalq Cümhuriyyətinin 100 illiyinə görə azadlıqda görəcəyik: “Heç bir beynəlxalq təşkilatın mövqeyi Azərbaycan xalqının maraqlarından üstün ola bilməz. Dövlətimiz də məhz bu maraqları nəzərə alaraq ən doğru olan addımı atacaq. Bundan sonra isə biz milli həmrəyliyin gətirdiyi üstünlüklərin bəhrəsini görəcəyik. Qarabağ məsələsində də mövqelərimiz bir millət olaraq möhkəmlənər. Nə Avropa, nə də başqa xarici qüvvə bizə Qarabağ məsələsində kömək etməyəcək. Çünki hərəsinin öz marağı var. Odur ki, biz dövlət və xalq olaraq özümüz hər şeyi etməliyik. Bunun üçün də ən vacib məsələ ölkədə milli həmrəylik, dövlət-xalq birliyidir. Məhkumların azad olunması da buna xidmət edən faktorlardan biridir”.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.