“Çalışırıq ki, bütün oyunlarda qələbə qazanaq. Hüçümçu olduğum üçün vəzifəm qol vurmaqdır. Bunun üçün də əlimdən gələni edirəm. Bu oyun ötən turdakı “Qəbələ” ilə matçdan daha çətin keçdi. Qələbə qazandığımız üçün sevincliyəm”.
Qol.az-ın məlumatına görə, bu sözləri “Qarabağ”ın futbolçusu İnnosent Emeqara Topaz Premyer Liqanın 1-ci turundan təxirə salınmış “Zirə” ilə matçdan (3:2) sonra jurnalistlərə açıqlamasında deyib.
O, Avroliqanın qrup mərhələsinin “Arsenal”la oyununda qol vurmaq istədiyini söyləyib: “Arsenal”a qol vurmaq istəyərdim. Niyə də olmasın? Rəqibdən rəqibə motivasiyada fərq olur. “Arsenal”la oyunda daha yaxşı oynamağa məcburuq”.
29 yaşlı hücumçu Premyer Liqada əsas rəqib olaraq “Neftçi”ni gördüyünü bildirib: “Əsas rəqib olaraq “Neftçi”ni görürəm. Bizimlə eyni xala malikdirlər. Bizim təqvimimiz çətin olduğu, daha çox oyun keçirəcəyimiz üçün onlar bundan istifadə etməyə çalışacaqlar. Məncə, hələlik çempionluq uğrunda əsas rəqib “Qəbələ” yox, “Neftçi”dir”.
İngiltərənin “Çelsi” klubunun baş məşqçisi təyin olunan Xabi Alonso ilə bağlı transfer iddiaları Avropa futbol gündəmini hərəkətə gətirib. İngiltərə mətbuatında yayılan xəbərlərə görə, ispaniyalı mütəxəssis keçmiş yetirməsi Arda Güləri də Londona gətirmək istəyir.
Bərdə rayonunda "SkyFit" idman zalında yoxlama keçirilib, mənşəyi bilinməyən idman qidaları aşkarlanıb.
Bu barədə Qida Təhlükəsizliyi Agentliyi məlumat yayıb
